ଶ୍ରାବଣ ଭାର
ଶ୍ରାବଣ ଭାର
କାଉଡ଼ି ଭାଇ ଥାଆନ୍ତି ଚାହିଁ
ଆସିବ ଶ୍ରାବଣ କେବେ
ମାନସିକରେ ଶିବଙ୍କ ପାଶେ
ପାଣି ଭାର ନେଇ ଯିବେ ।
ଆଷାଢ଼ ପରେ ଶ୍ରାବଣ ଆସେ
ଏକ ପରେ ଆନ ପରି
କାଉଡ଼ି ଭାଇ ଯାଆନ୍ତି ପରା
ଶ୍ରାବଣ ଭାରକୁ ଧରି ।
ବତାସ ଆସୁ ମେଘ ବରଷୁ
ପଡ଼ୁ ବା ଟାଣ ଖରା
ଠିଆ ନହୋଇ ଚାଲନ୍ତି ଗାଇ
ଶିବ ଜଣାଣ ପରା ।
ଢଳିଲେ ନାବ ଡ଼ାକିଲେ ଶିବ
ମଝି ନଈରେ ଥାଇ
ନାଉରି ହୋଇ ନାବକୁ ବାହି
ଲଗାନ୍ତି କୂଳେ ନେଇ ।
ଯା' ଆଜ୍ଞା ବିନା ମୃତ୍ୟୁ ଆସେନା
ନ ପାରେ କାଳ ଟାଣି
ସେ ଶିବ ନାମ କଲେ ସ୍ମରଣ
ବିଷ ହୁଅଇ ପାଣି ।
ସୋମବାରରେ ଶିବମନ୍ଦିରେ
ସଭିଏଁ ହୋଇ ମେଳ
ମନସ୍କାମନା ଜଣାନ୍ତି ସିନା
ଢାଳି ଲିଙ୍ଗରେ ଜଳ ।
ଭକତି ବିଞ୍ଚି ଶିବଙ୍କୁ କିଛି
ମାଗିଲେ କରି ଅଳି
ଶଙ୍କରଙ୍କର କୃପା ଆପାର
ଦିଅନ୍ତି କୃପା ଢ଼ାଳି ।
ହୃଦେ ଭକତି ପ୍ରଭୁଙ୍କ ପ୍ରତି
ରଖି ତାଙ୍କଠି ଧ୍ୟାନ
ଶ୍ରାବଣ ମାସେ କାଉଡ଼ି ବେଶେ
କର ଶିବଙ୍କୁ ଦର୍ଶନ ।