ସହର ଭିତରେ ଜୀବନ

ଭାରି ଅସ୍ତ ବ୍ୟସ୍ତ ଦହଗଞ୍ଜ

ଧୁଳି ଧୂଆଁ ଭାଗଦୌଡ ଭିତରେ

କାଟିବାକୁ ହୁଏ ସହରୀ ଜୀବନ

ନା ସେଠି ଥାଏ ଖୋଲା ପବନ

ସବୁଜିମାର ଶୀତଳ ଆସ୍ତରଣ

ବଡବଡ କୋଠା ଗଳି କନ୍ଦି

ଗାଡି ଘୋଡାର ଭିଡ

ଲୋକଙ୍କ ହୋ ହଲ୍ଲାରେ

ଡହ ଡହ ଡହକୁ ଥାଏ

ସହରର ସବୁ ସ୍ଥାନ

ଘଟଣା ଦୁର୍ଘଟଣା ନିତିନିତି

ଦାଦାବଟି ମାରପିଟ

ଚୋର ଟାଉଟର ପହଣ ପହଣ

ଅଚିହ୍ନା ଅଜଣା ଭିତରେ

କାର୍ଯ୍ୟରତ ନିଜେ ନିଜର

ସୁଖ ଦୁଃଖ ବାଣ୍ଟିବାକୁ ନଥାଏ ଆପଣାର

ଏମିତି ଏକ ସହର

କେବେ ସଙ୍କଟ ପାଣିର

କେବେ ରହିବାର

ଏ ଗଳିରୁ ସେ ଗଳି, ଏ ଘରରୁ ସେ ଘର

କେବେ ବିସ୍ଫୋରଣ, ନାରୀ ଧର୍ଷଣ

କେବେ ଆଶଙ୍କା ଆତଙ୍କର

ଘରୁ ଗୋଡ କାଢିବାକୁ ଡର

ଜୁଆ ଆଡ୍ଡା ହୋଟେଲ କ୍ଲବରେ ଭରପୁର

ତଥାପି ମଣିଷ

କାହିଁକି ଯେ ଖୋଜେ ସହର

ଛାଡିଦେଇ ଗାଁର ସରଳ ଜୀବନ

ସାହି ପଡିସା ବନ୍ଧୁ ବାନ୍ଧବ ଆତ୍ମୀୟ ସ୍ଵଜନ

ଯେଉଁଠି ଜୀବନ

ଜୀବନ ନୁହଁ ପାଲଟି ଯାଏ ଶ୍ମଶାନ