Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Padmini Barik

Inspirational

3  

Padmini Barik

Inspirational

"ଶପଥ ନେବା "

"ଶପଥ ନେବା "

1 min
23



ବ୍ରିଟିଶ ଶାସନ ଚାଲିଗଲା ସିନା

   ଦେଶ ହେଲା ବିଭାଜନ,

ସୁନାର ଭାରତ ହୋଇଲା ଦିଖଣ୍ଡ

   ଭାରତ ଓ ପାକିସ୍ଥାନ ।


ଅଗଷ୍ଟ ପନ୍ଦର ପାଳନ କରୁଛୁ

  ତ୍ରିରଙ୍ଗା ଉଡ଼ାଇ ଆମେ,

ଶାନ୍ତିର ମନ୍ତ୍ର କେତେ ତ ଗାଉଛୁ

   ଶାନ୍ତି କି ପାଇଛୁ ଭୂମେ ?


ପାକିସ୍ଥାନ ରଚେ ଘୋର ମାୟାଜାଲ 

   ଚାଇନା ଲଗାଏ ଡେରା ,

ମାନବବାଦର ବଳି ପଡେ ଏଠି

   କରୋନା ପୃଥିବୀ ସାରା।


ତ୍ରିରଙ୍ଗା ଉଡ଼ାଇ ଶପଥ ନେବାରେ

    ଜିତିବା ଶତ୍ରୁର ଗଡ , 

ଚାଇନା, କରୋନା ଯିଏବି ହେଉନା

    ଭାଙ୍ଗିଦେବା ମୁହଁ ତୋଡ ।


ଯେ ମାଟିର ବୀର ଶହୀଦ ବୋଲାଏ

    ଦେଶ ପ୍ରେମ ବହ୍ନି ଜାଳି,

ସେ ମାଟିରେ ଆଜି ଆତଙ୍କ ବୁଲୁଛି

    ବିଶ୍ୱାସରେ ବିଷ ଗୋଳି ।


ଜୟ ହିନ୍ଦୁସ୍ଥାନ ସ୍ଵାଧୀନ ସନ୍ତାନ 

   ସତ୍ୟର ଦାବାନାଳ ,

ଦେଶମାତୃକାର ଚରଣ ଯୁଗଳ

   କୋଟି ସନ୍ତାନର ବଳ ।

ସଦା ଶାନ୍ତି ପ୍ରିୟ ଭାରତବାସୀ ଯେ

   ପ୍ରାରମ୍ଭୁ କହିଛୁ ଆମେ,

ଅଶାନ୍ତି ରଚିଲେ ଶତ୍ରୁକୁ ମାରି

   ପ୍ରଶାନ୍ତି ଆଣିବୁ ଭୂମେ ।


ଭାରତ ଆମର ସୁଜଳା , ସୁଫଳା 

   ସ୍ୱର୍ଣ୍ଣ ପ୍ରସବିନୀ ଦେଶ,

ଶତ୍ରୁତାକୁ ଭୁଲି ବନ୍ଧୁତା କରିଲେ

   ମମତାରେ ହେବୁ ବଶ ।


ଧଳା ଓ ନାରଙ୍ଗୀ ,ସବୁଜ ରଙ୍ଗର

   ଏଇ ଯେ ଉଡୁଛି ନେତ ,

ଶାନ୍ତି, ମୈତ୍ରୀ, ଉନ୍ନତିର 

    ଗାଏ ତ ବିଜୟ ଗୀତ ।


ଏ ମାଟି ମାଆର ଗର୍ବ ଏ ତ୍ରିରଙ୍ଗା

    ଶାନ୍ତିର ବାର୍ତ୍ତା ବହେ,

ଭାରତୀୟ ଆମେ ବିଶ୍ୱବିଜୟୀ 

    ସମୀରେ ଖେଳାଇ ଦିଏ ।



Rate this content
Log in

Similar oriya poem from Inspirational