କ୍ଷୁଦ୍ର କଳିକା

ବାର ବରଷ ର ବାଜି ରାଉତ ମୁଁ 

  ବାଜି ଲଗାଏ ଜୀବନ ,

ବିଶ୍ୱାସ ଘାତକ ହୋଇ ପାରିବିନି 

   ଗଲେ ଯାଉ ମୋର ପ୍ରାଣ

ଗୋରା ସାହେବ ର କଳା କାରନାମା 

  ଫନ୍ଦଈ ଫିକର କୁ କାଟି ,

ଭାରତୀୟ ଆମେ ଶପଥ ନେଇଛୁ 

  ସ୍ୱାଧୀନ କରିବୁ ମାଟି

ସଂଗ୍ରାମ ଆମ ଶେଷ ହେବ ନାହିଁ 

  ସଂଗ୍ରାମୀ ବୀର ଜାତି ,

କଳା ମୁହଁ ନେଇ ଫେରିବ ଦିନେରେ 

  ବଦଳାଇ ରଣ ନୀତି 

ବ୍ରାହ୍ମଣୀ ନଦୀରେ ବାଜିଆ ଜଗିଛି 

  ନୀଳକଣ୍ଠ ପୁର ଘାଟ ,

ଭୁବନ ଗ୍ରାମକୁ ପସାଇ ଦେବନି 

   ଛାଡିବିନି କେବେ ବାଟ

ବନ୍ଧୁକ ତୁମର ଲୁହାରେ ତିଆରି

   ଲହୁରେ ଆମର ଛାତି ,

ବିନ୍ଦୁଏ ରକ୍ତ ପଡିବା ମାତ୍ରେ   

   ତାତିବ ଓଡ଼ିଆ ଜାତି

ଜାତିର ପୁଅ ମୁଁ ମାଟିରେ ମିଶିବି 

   ମାଆର ସମ୍ମାନ ପାଇଁ ,

ଗୋଟିଏ ମାଆର କୋଟିଏ ସନ୍ତାନ 

  ଲଢିବୁ ପରାଣ ଦେଇ

କ୍ଷୁଦ୍ର କଳିକା ମାଟିରେ ମିଶିଲା 

   ଦେଶର ସ୍ୱାଧୀନ ପାଇଁ ,

କୋଟି ଓଡ଼ିଆ ର ତନ୍ତ୍ରୀ ଥରିଲା 

  ଗୋଟିଏ ବାଜିଆ ପାଇଁ