ଦରଦୀ ବଂଧୁ

ଦ-

ଦୟାନିଧି ନାମ ବହି ବସିଅଛ

ଦରଦୀ ବନ୍ଧୁ ମୋହର ।

ରଖିଛ ସଭିଙ୍କୁ ରଖିବ ସର୍ବଦା

ଏ ଅଳି ତୁମ ପାଶର ।

ର-

ରଖିବ କି ଅବା ନରଖିବ ବୋଲି

ମନରେ ଭାବୁଛି କିଏ ।

ଦରଦୀ ବନ୍ଧୁ ମୋ ସଭିଙ୍କ ରକ୍ଷକ

ଏକଥାଟି ଭୁଲିଯାଏ ।

ଦୀ-

ଦୀନ ଅକିଞ୍ଚନ ଅଧିକ ନିଜର

ମୋର ଦରଦୀ ବନ୍ଧୁର ।

ସଭିଙ୍କ ଭିତରେ ରହିଛି ସେ ନିଜେ

ସଭିଏଁ ତାର ନିଜର ।

ବଂ-

ବଂଧୁ ଭଳି ବନ୍ଧୁ ମୋ ଦରଦୀ ବନ୍ଧୁ

ତା ସମ ବନ୍ଧୁଟେ କାହିଁ ।

ଜୀବନ ସଞ୍ଜରେ ଉପଗତ ହେଲି

କେବେ କାହିଁ ଦେଖିନାହିଁ ।

ଧୁ-

ଧୁରନ୍ଧର ସବୁଥିରେ ମୋ ଦରଦୀ

ବନ୍ଧୁ ମୋ ପାଶେ ଅଛନ୍ତି ।

ସବୁ ସମର୍ପିଛି ତାଙ୍କ ଶ୍ରୀପୟରେ

ନାହିଁ ମୋର ଭବ ଭୀତି ।