ପଙ୍କଜା
ପଙ୍କଜା
ବସୁମତୀ ଆସିଛନ୍ତି :-
ଅର୍ଘ୍ୟଥାଳିର ଅଳଙ୍କରଣରେ
ଆତ୍ମୀୟ ସ୍ଵଜନଙ୍କ ଅନ୍ତର୍ଦାହ
ନବପଲ୍ଲବିତ ଦୁର୍ବାଦଳର ଶ୍ୟମଳିମାରେ
ବସୁମତୀ ଆସନ୍ତି :-
ଅନନ୍ତ ଯୌବନା ମୌସୁମୀର ଲୁଚକାଳି ଖେଳରେ
ଦୁଃଖ, ଦାରିଦ୍ର୍ୟ, ଅଭାବ ଅନାଟନର କଷାଘାତରେ
ଦୃଢ ସଂକଳ୍ପ, ଉଚ୍ଚବୀଳାଷ ଓ ଆତ୍ମ ଅଭିମାନର ଗୌରବୋଜ୍ଜ୍ଵଳ ଇତିହାସରେ
ବସୁମତୀ ଆସୁଛତି :- ଶୋକ, କୋହ, କାରୁଣ୍ୟର ପରିବେଷ୍ଟନୀରେ
ସର୍ବତ୍ର ପରିବ୍ୟାପ୍ତ ଏକ ଖାଁ ଖାଁ ଭାବରେ
ଜ୍ଞାତି କୁଟୁମ୍ଭଙ୍କ ଅନତୀଦୀର୍ଘ ଆତ୍ମନିରୀକ୍ଷଣରେ
ବସୁମତୀ ଆସିବେ :- କୋଇଲିର କୁହୁତାନରେ-ଝରାଶେଫାଳିର ମୃଣ୍ମୟୀ ମାୟାରେ
ଅଭିଶପ୍ତ ଗନ୍ଧର୍ବର ଅନ୍ତରଙ୍ଗ ଅସହାୟତାରେ
ଯକ୍ଷପ୍ରଶ୍ନର ପ୍ରହେଳିକା ଓ ଅବୋଲକରା କାହାଣୀରେ
ସର୍ବୋପାରି:-ସାଧବ ବୋହୂର ସୌନ୍ଦର୍ଯ୍ୟ ସିକ୍ତ ଭିନ୍ନ ଏକ ଶ୍ରାବଣୀ କବିତାରେ ।।