Library
Profile
ପୁରାଣ
ପୁରାଣ
ଅଷ୍ଟାଦଶ ସଂଖ୍ଯା ମହାପୁରାଣର
ବ୍ରହ୍ମ ପଦ୍ମ ବିଷ୍ଣୁ ଶିବ
ବରାହ ଭବିଷ୍ୟ ବ୍ରହ୍ମ ବଇବର୍ତ୍ତ
ଲିଙ୍ଗ ସ୍କନ୍ଦ କୂର୍ମ ମତ୍ସ l
ନାରଦୀୟ ମାର୍କଣ୍ଡେୟ
ଗରୁଡ ବ୍ରହ୍ମାଣ୍ଡ ବାମନ ଓ ଅଗ୍ନି
ଭାଗବତ ବ୍ଯାସକୃତ ।
ଉପପୁରାଣର ସଂଖ୍ଯା ବି ଅଠର
ଅତିରିକ୍ତ ଉନତ୍ରିଂଶ
ବିବିଧ ବିଷୟ ସୁଗୁଣ ସଂସ୍କାର
ବର୍ଣିତ ସର୍ବ ବୃତ୍ତାନ୍ତ
ସୁବିଶ୍ବାସ ପରମ୍ପରା
ଆସୁଅଛି ଚଳି ଅନାଦି କାଳରୁ
ଯଥା ସୂର୍ଯ୍ୟଚନ୍ଦ୍ର ତାରା ।
ଗଣିତ ବିଜ୍ଞାନ ସାହିତ୍ଯ ଦର୍ଶନ
ଅର୍ଥନୀତି ଇତିହାସ
ବିକଶେ ପ୍ରବିଧି ଯାନ୍ତ୍ରିକ କୌଶଳ
ଲୋଡଇ ସୁଖ ମଣିଷ
ନିଜକୁ ବୋଲାଏ ସଭ୍ଯ
ଦିନ ପ୍ରତିଦିନ ଗୁଣାତ୍ମକ ମାନ
ହୁଏ କିନ୍ତୁ ଅବକ୍ଷୟ ।
ଯୁଗ ପରେ ଯୁଗ ଯାଉଅଛି ବିତି
ସମୟର ବଡଦାଣ୍ଡେ
ଠାରଗାରେ ଗାଥା ଲିଖିତ ପୁରାଣ
ବେଦ ଓ ଉପନିଷଦେ
ସବୁଶାସ୍ତ୍ର ମୂଳମନ୍ତ୍ର
ଜୀବନ ଏବେବି କରୁଛି ସଂଗ୍ରାମ
ଲୋଡୁଛି ମୁକ୍ତି ସ୍ବାଚ୍ଛନ୍ଦ୍ଯ ।
ଯୁଦ୍ଧ ବିଭୀଷିକା ବିରୋଧାଭାଷର
ମିଛମାୟା ଅନ୍ଧକାର
କୁହୁଳେ ଅନ୍ତରେ ସ୍ବାର୍ଥ ଦାବାନଳ
ହିଂସା ଦ୍ବେଷ ଅହଙ୍କାର
ଖୋଜୁଛି ମଣିଷ ଶାନ୍ତି
ଆହରୁଛି ବିଦ୍ଯା ପୁରାଣ ନିର୍ଯ୍ଯାସ
ଦୃଷ୍ଟି ଦିବ୍ଯ ଜ୍ଞାନ ଶକ୍ତି ।
