କଳାନାଉରୀ
କଳାନାଉରୀ
କଳାନାଉରୀ ମୋ କଳାନାଉରୀ
ଭାବନାରେ ମୋର
ଚେତନାରେ ମୋର
କଳ୍ପନାରେ ମୋର
ଭରି ଦେ ପରୋପକାର ଅଙ୍କୁର -ଅଙ୍କୁରୀ
କଳାନାଉରୀ ମୋ କଳାନାଉରୀ ।
ଦର୍ଶନରେ ତୋର
ଜୋଡ଼ହସ୍ତ ମୋର
ଦଣ୍ଡବତ ମୋର
ଭରି ଦେ ଖୁସିଫୁଲର ଗାଗର -ଗାଗରୀ ।
କଳାନାଉରୀ ।
ଅରୁଣଖମ୍ବୁ ଆରମ୍ଭ ପ୍ରଣାମୀ
ବାଇସିପାହାଛ ଉର୍ଦ୍ଧ୍ଵଗାମୀ
ଗଗୁଡ଼ଖମ୍ବ ପଛୁ ପ୍ରଣମାମୀ
ଭରି ଦେ ମନୋକାମନା ଦୈତାରୀ ମୁରାରୀ
କଳାନାଉରୀ ।
କଳ୍ପବଟ ଛୁଇଁ ମୁହିଁ
ପତିତପାବନ ବାନା ଧ୍ୟାଇ
ବଟ ଗଣେଶ ମୁଣ୍ଡେ ଲଗାଇ
ଭରି ଦେ ଆତ୍ମା ଅରବିନ୍ଦେ ମଧୁକୈଟହାରି ।
କଳାନାଉରୀ ।
ତୁଳସି ଦୟଣା ତୁଣ୍ଡରେ ରଖି
ଆନନ୍ଦବଜାର ଅବଢ଼ା ଚାଖି
ମହାପ୍ରସାଦକୁ ସରାଗେ ପରଖି
ଭରି ଦେ ସକଳ ଘଟ ଚଉବାହା ପ୍ରସାରୀ
କଳାନାଉରୀ ।
ସଂଶୟରେ ମୋର
ସଂପଦରେ ମୋର
ସଂକ୍ଷେପରେ ମୋର
ଭରି ଦେ ଗଣ୍ଡଷତଳ କୈବଲ୍ୟ ଚାତୁରୀ ।
କଳାନାଉରୀ ମୋ କଳାନାଉରୀ ।
ପଦ୍ମପାଦେ ତୋର
ମନ ଚଇତନ ମୋର
ଗତି ମୁକ୍ତି ପ୍ରାପ୍ତି ଦ୍ଵାର
ଭରି ଦେ ଚର୍ମଚକ୍ଷୁରେ ଭକ୍ତିଅର୍ଘ୍ୟ ଗୁହାରୀ ।
କଳାନାଉରୀ ମୋ କଳାନାଉରୀ ।