ଧନ୍ୟବାଦ
ଧନ୍ୟବାଦ
ଧନ୍ୟବାଦ ଧନ୍ୟବାଦ ଦେଇ ଧନ୍ୟବାଦ
ସାରା ସଂସାର କରେ ତାକୁ ଆଶୀର୍ବାଦ
ସବୁରି ହୋଇଥାଏ ସେ ପ୍ରିୟପାତ୍ର
ମନ ହୃଦୟକୁ ଯିଏ ରଖିଥାଏ ନିର୍ମଳ ପବିତ୍ର
ସମୂହ କଲ୍ୟାଣରେ ରହିଥାଏ ଏକନିଷ୍ଠ
ନିଜ ଗୁଣ ସ୍ଵଭାବ ଚରିତ୍ରକୁ କରିଥାଏ ବଳିଷ୍ଠ
ପ୍ରଭାବିତ କରେ ନାହିଁ ତାକୁ ସ୍ଵାର୍ଥର ମତବାଦ
ଅନ୍ୟ ସାଥୀରେ କରି ନିଜକୁ ତୁଳନା
ଅଯଥା ଦିଏ ନାହିଁ କାହାକୁ ନିନ୍ଦା ଅପବାଦ
ଧନ୍ୟବାଦ ଧନ୍ୟବାଦ ଦେଇ ଧନ୍ୟବାଦ
ସାରା ସଂସାର କରେ ତାକୁ ଆଶୀର୍ବାଦ
ସ୍ବତନ୍ତ୍ର ବିଚାର ଧାରାରେ ରହେ ନିରପେକ୍ଷ
ଶ୍ରମ ସାଧନାରେ ହୋଇଥାଏ ସେ ଦକ୍ଷ
ଅନ୍ତରରେ ତାର ରଖିଥାଏ ଅନାବିଳ ଭାବ
ପ୍ରତିଟି କଥାକୁ କରେ ସଠିକ୍ ଅନୁଭବ
ଇର୍ଷା ହିଂସାରେ କରେ ନାହିଁ କାହାରି ବରବାଦ
ନିଜ ସ୍ଵାର୍ଥ ପୂରଣ ପାଇଁ ରଖେ ନାହିଁ ଆଶା
କରେ ନାହିଁ ସତ୍ୟର ସିଦ୍ଧାନ୍ତକୁ ପ୍ରତିବାଦ
ଧନ୍ୟବାଦ... ଧନ୍ୟବାଦ...ଦେଇ ଧନ୍ୟବାଦ...
ସାରା ସଂସାର କରେ ତାକୁ ଆଶୀର୍ବାଦ
ଅଜ୍ଞାନ ଅନ୍ଧକାରର ପଥେ ଯାଏନା ମାଡ଼ି
ଆତ୍ମଜ୍ଞାନରେ ନିଜର ସ୍ଵାଭିମାନ ରଖେ ସଜାଡ଼ି
ଲୋଭ ମାୟା ମୋହରେ ହୁଏନା ବାଟବଣା
ମାନି ଚଳେ ନୀତି ନିୟମର କଟକଣା
ରଖିଥାଏ ଶୃଙ୍ଖଳା ନକରି ସେ ବାଦାନୁବାଦ
ଶାନ୍ତି ମୈତ୍ରୀ ପ୍ରଗତିରେ ରଖେ ଭରସା ବିଶ୍ଵାସ
ଶାନ୍ତ ଶିଷ୍ଟ ନମ୍ର ବିନୟ ରହେ ନକରି ବିବାଦ
ଧନ୍ୟବାଦ ଧନ୍ୟବାଦ ଦେଇ ଧନ୍ୟବାଦ
ସାରା ସଂସାର କରେ ତାକୁ ଆଶୀର୍ବାଦ ।