ଲାଇବ୍ରେରୀ
ପ୍ରୋଫାଇଲ୍
ଶପଥ କରିବା ଆସ
ଶପଥ କରିବା ଆସ
1 min
184
ଆସରେ ପିଲାଏ ଶପଥ କରିବା
ମିଛ କହିବନି କେବେ
ଦୁଃଖ କଷ୍ଟ ପାଇବା ଆମେରେ
ଚୋରି କରିଵାନି ଆମେ ।।
ବାପା ମାଆଙ୍କର କଥା ଯେ ମାନିବା
ଦୁଷ୍ଟାମୀ କରିବା ନାହିଁ
ସୁନାପିଲା ପରି ନାଆଁ ଯେ କରିବା
କଥାଟି ଭୁଲିବା ନାହିଁ ।।
ଦେଶସେବା ପାଇଁ ମନ ବଳେଇବା
କରିବା ଏ କଥା ଜାଣ
ଏଥିପାଇଁ ଆମେ ପ୍ରାଣବଳି ଦେବା
ମୋ କଥାକୁ ଟିକେ ଶୁଣ ।।
ଦେଶ ପାଇଁ କେତେ ପ୍ରାଣ ବଳି ଦେଲେ
ଏ ଦେଶ ଜାତିର ପାଇଁ
ଆମେ ଆଉ କିଆଁ ପଛରେ ରହିବା
ଏ ଦେଶ ସନ୍ତାନ ହୋଇ ।।
ଭାରତ ମାତାର ସନ୍ତାନ ଆମେ
ଏ ଦେଶର ବୀର ପୁଅ
ଦେଶର ଶତ୍ରୁକୁ ନିପାତ କରିବା
ଜାଗ୍ରତ ସଭିଏ ରୁହ ।।।।
