କୁନା ଆମର ସୁନା ପିଲାଟି

କୁନା ଆମର ସୁନା ପିଲାଟି

  ସତ କଥା ଟି କହେ

ବାପା ମାଙ୍କ କଥାସେ ମାନେ

  ସଫା ସୁତୁରା ରହେ ।

ନୀତି ଦିନ ସେ ସ୍କୁଲକୁ ଆସେ

  ରହେନି କେବେ ଘରେ

ପାଠ ପଢ଼ାରେ ତା ମନ ଥାଏ

  କାମ ତା ଠିକ୍ କରେ ।

ଗୁରୁଜନଙ୍କୁ ସମ୍ମାନ ଦିଏ 

  ହେଳା କରେନି କେବେ

ସଙ୍ଗସାଥୀଙ୍କୁ ଆଦର କରେ

  ଭଲ ପାଆନ୍ତି ସଭେ ।

ଅଜା ଆଈ ଙ୍କ ଗେହ୍ଲା ସେ ପରେ

  ନିତି ତାଙ୍କର ପାଖେ 

ବଙ୍କୁଳି ବାଡ଼ି ଚଷମା ସବୁ

  ସାଇତିକରି ରଖେ ।

ଜୀବଙ୍କୁ କରେ ଦୟା ଟି ସିଏ

  କରେନି କିଛି କ୍ଷତି

ରୋଗିଣା ହେଲେ ଫିଙ୍ଗି ଦିଏନା

  ସେନେହ ତାଙ୍କ ପ୍ରତି ।

ଶୌଚଳୟ ର ବ୍ୟବହାର ଟା

  ଜାଣିଛି ପରା ସିଏ

ଖାଇବା ଆଗରୁ ଖାଇବା ପରେ

  ହାତ ସାବୁନୁରେ ଧୁଏ ।

ବଡ଼ ମଣିଷ ହେବ ସେ ଦିନେ

  ଜାଣିଥାଅ ରେ ପିଲେ

ତା ଭଳି ଅବା ହେବକି ଆଉ

  ଯେତେବି କାମ କଲେ ।

ସମୟକୁ ସେ ଚିହ୍ନିଛି ଭଲ

  କରେନା ନଷ୍ଟ କେବେ

ଠିକ୍ ଭାବରେ ସମୟ ନେଲେ

  ଉନ୍ନତି ହେବ ତେବେ ।