ଶକ୍ତିର ଧାରା

ମୋର ମାଟି ଘଟ

ତୁମେ ଦାରୁ ଭୂତ ।

ଓଁକାର ଶକ୍ତିର ଧାରା ।

ତୁମେ ମହାଦୀପ୍ତ 

ମୁଁଯେ ଅଭିଶପ୍ତ 

ଲିଭିଲା ଦୀପର କାରା

ମହାବାହୁ...ହେ... !!!

ଶ୍ରୀଭୂଜ କରେ ଆଶରା(0)

ଅସରା ଲୁହକୁ ପସରା କରି ମୁଁ

ଚାଲେ କଣ୍ଟକିତ ପଥେ ।

ଆଘାତ ପାଇଚି ରକତ ଝରିଛି।

ଦୁଃଖ ଯେଣୁ ଲେଖା ମାଥେ।

ଫଟା କପାଳରେ ଯେତେ ଥାଉ ଦୁଃଖ 

ଅପସରି ଯିବ ଆପେ-

ପ୍ରଭୁ! ତୁମେ ଯେବେ ଥିବ ସାଥେ ।

ସାଥୀ ସହଚର 

ବନ୍ଧୁ ସହୋଦର

ବିପଦେ ଆଲୋକ ଧାରା (୨)

ସତ୍ୟ ନ୍ୟାୟ ପଥେ ଚଲେଇଲ ମୋତେ।

ଅସତ୍ୟ ଓଗାଳେ ପଥ ।

ନ୍ୟାୟ ପଦବୀରେ

ଯିଏ ଅଭିଷିକ୍ତ ।

ନୁହେଁ ସେତ ନ୍ୟାୟବନ୍ତ।।

କେମିତି ଦେଇଛ ନ୍ୟାୟ ଦଣ୍ଡ ଛତ୍ର ।

ଲୋକେ ଗଣା ଅପଦାର୍ଥ।

ପ୍ରଭୁ !ପେଟକୁ ମିଳେନା ଭାତ 

ଦେଖିଏ ଦୁନିଆଁ

ଲାଗୁଛି ଛାନିଆଁ 

ଜଗତ ପଙ୍କିଳ ଭରା (୨)