ଲାଇବ୍ରେରୀ
ପ୍ରୋଫାଇଲ୍
ଶିଶୁ ଶ୍ରମିକ
ଶିଶୁ ଶ୍ରମିକ
1 min
185
ପେଟ ପୋଡ଼ିଗଲେ କି ନୀତି ନିୟମ
ଆଇନ କାନୁନ ଇଜ୍ଜତ ସମ୍ମାନ
କିଏ ବା ଦେଖୁଛି କୁହ
ବଳ ବୟସକୁ ଯେତେ ଡରୁଥିବୁ
ପେଟ ହେବ କହ ମହ।
ସତୁରୀ ବର୍ଷର ବୃଦ୍ଧ ବୋହେ ବୋଝ
ଜନ୍ମ କଲା ପୁଅ ନ କରଇ ହେଜ
କି ଭଳି ରହିଲେ ବାପା
ଛୁଆ ପିଲା ଧରି ସହରେ ରୁହଇ
ବାପା, କଥା ଶୁଣି ସ୍ତ୍ରୀ ଖପା ।
ଘରେ ଅନାଟନ ଅଭାବ କଷଣ
ସହେ ନାହିଁ ଶିଶୁ କଅଁଳିଆ ମନ
ବେଠି ଖଟେ ପର ପାଖେ
ତାହା ଶ୍ରମ ଦାନେ ସ୍ୱଳ୍ପ ଉପାର୍ଜନେ
ଦାନା ପରିବାର ମୁଖେ ।
କମ୍ପାନୀ ମାଲିକ ଦଲାଲ ବଣିକ
ସ୍ୱଳ୍ପ ବେତନରେ ମୁନାଫା ଅଧିକ
ସୁଯୋଗକୁ ଚାହିଁ ଥାଏ
ଆଇନ ବିରୁଦ୍ଧେ ଯାଏ ପ୍ରତି ପାଦେ
ପକେଟେ ଆଇନ ଥାଏ ।
କଲେ ପ୍ରଣୟନ ଆଇନ କାନୁନ
ଶାସନ କଳର ସୁଶାସକ ଗଣ
ଫାଇଲିରେ ରହେ ତାହା
ଶିଶୁ ଶ୍ରମିକର ବଢୁଥାଏ ହାର
ସୂଚାଏ ଗଣନା ଏହା ।
