🥦💚🥬 ଶିକ୍ଷା🥦💙🥬 ----------

ଦୁଇଟି ଅକ୍ଷର  ସମଷ୍ଟିରେ ଶିକ୍ଷା

   ସୃଷ୍ଟି ର ସେ ଆଦି ମନ୍ତ୍ର

ଜୀବନ୍ୟାସ ବେଳେ ଖଞ୍ଜିଦେଇ ଥାଏ

   ପରମାତ୍ମାଙ୍କର ତନ୍ତ୍ର।।

ପ୍ରଣୀ ଜଗତକୁ  ନଦୀ ସମୁଦ୍ର କୁ

  କିଏ ସେ ଶିଖାଇ ଥାଏ

ଆପଣା ଛାଏଁ ସେ  ନିଜେ ଶିଖିଥାଏ

   ଇଏ ଆଶ୍ଚର୍ଯ୍ୟ ସଂସାରେ।।

ମୁନି ଋଷିମାନେ ଜ୍ଞାନୀ ଗୁଣୀ ଜନେ

   ଶିଖନ୍ତି ପ୍ରକୃତି ଠାରୁ

ଆଦର୍ଶ ଜୀଵନ   ପାଳନ କରନ୍ତି

   ସୁଖୀ ହୁଅନ୍ତି ଜନ୍ମରୁ।।

ଦାର୍ଶନିକ କବି   ବୁଦ୍ଧିଜୀବି ଋଷି

   ଶିକ୍ଷା ସଂଜ୍ଞା ଲେଖିଛନ୍ତି

ବ୍ୟାପକ ଅର୍ଥରେ  ବିଶ୍ଳେଷଣ କରି

  ଯୁକ୍ତି କେତେ ବାଢିଛନ୍ତି।।

ଯେଉଁ ଶିକ୍ଷା ଜନସ୍ବାର୍ଥରେ ନଲାଗେ

   ସମାଜ କଲ୍ୟାଣ ପାଇଁ

ସ୍ଵାର୍ଥପର ଶିକ୍ଷା  ନୁହେଁଟି ଭରସା

  ଭରସା ହୋଇବେ ସାଇଁ।।

ଶିକ୍ଷା ଅଟେ ମହା  ଧନ ଏ ମହୀରେ

   ସୃଷ୍ଟି ବିଲୟ ସଂହାର

ମାନବତା ମହାମନ୍ତ୍ର  ଘୋଷୁଥାଏ

   ତାକୁ ଉପାର୍ଜନ କର।।

ଶିକ୍ଷାର ସଂସ୍କାର  ବଦଳି ଗଲାଣି

   ସ୍ଵାର୍ଥରେ ହୁଅନ୍ତି ଅନ୍ଧ

ମାନବ ସେବାରେ ଲଗାଅ ନିଷ୍ଠାରେ

  ଅନ୍ତରେ ହେବ ଆନନ୍ଦ।।

ଡାକତର ଯନ୍ତ୍ରୀ  ମନର ବିଜ୍ଞାନୀ

  ଥରେ ମାତ୍ର ଚିନ୍ତାକର

ଶିକ୍ଷାକୁ ଲଗାଅ ସମାଜ କଲ୍ୟାଣେ

  ଧର୍ମକୁ ଆଦର କର।।