Library
ଶିଖରେ ମଣିଷ ଶିଖ
ଶିଖରେ ମଣିଷ ଶିଖ
ହେ ଅତ୍ୟାଚାରୀ ମଣିଷ
ନଷ୍ଟ ଭ୍ରଷ୍ଟ କରି
ବିଶ୍ଵକୁ କରିବାକୁ ଗଲଣି ଧ୍ଵଂସ
ତୁମ ନଷ୍ଟ ବୁଦ୍ଧି ଓ
ଭ୍ରଷ୍ଟ ଚିନ୍ତା ପାଇଁ
ବିଷାକ୍ତ ଆଜି
ଏ ସମୁଦାୟ ବିଶ୍ଵ
ହତ୍ୟାକାରୀ ହୋଇ
ତୁମେ ଅତ୍ୟାଚାରୀ ଦଳ
ଧ୍ଵଂସ ମୁଖକୁ ଠେଲୁଛ
ଆମ ବିଶ୍ଵ ଓ ଆମ ପରିବେଶ ।
କେବେ କରୋନା ମହାମାରୀ
କେବେ ଫ୍ଲାଟ୍ ଫଙ୍ଗସ୍
କେବେ ହ୍ଵାଇଟ୍ ଫଙ୍ଗସ୍
ତୁମେ ରେ ମାନବ ଦାନବ ସାଜି
ଅଟ ଏ ସବୁର ସୃଷ୍ଟିକାରୀ
ନ ଚିନ୍ତ ନ ଚିନ୍ତ ତୁମେ ମାନେ
କେବେରେ ଅପାୟ
ଅଥବା ଶେଷ ପରିଣତି
ସଦା ଚିନ୍ତ ଉପାୟ
ନ ଚିନ୍ତ ଆବିଷ୍କାର ଓ
ଉଦ୍ଭାବନର କୁପରିଣତି ।
ତୁମେ ନୁହଁ ଈଶ୍ଵର
ତୁମେ ନୁହଁ ଅଧିପତି ଏ ବିଶ୍ଵର
ତୁମ ସୀମା ସରହଦ ଭୁଲି
ବିଜ୍ଞାନ, କାରିଗରୀ ଜ୍ଞାନର
କରି ଅପବ୍ୟବହାର
ବିଶ୍ଵେ ରଚ କିମ୍ପା ହାହାକାର
ମାରଣାସ୍ତ୍ର, ଯୁଦ୍ଧାସ୍ତ୍ର, ଜୈବାସ୍ତ୍ର
ଆଦିର ପ୍ରୟୋଗ କରି
ସମଗ୍ର ଜୀବଜଗତେ
କିମ୍ପା ସୃଷ୍ଟିକର
ପ୍ରାକୃତିକ ବିପର୍ଯ୍ୟୟର ?
ଶାନ୍ତିର ବାର୍ତ୍ତାବହ ସାଜି
ତୁମ ମାନବିକତା, ମଣିଷ ପଣିଆ
ବୁଦ୍ଧି, ବିବେକ, ଜ୍ଞାନର ମହତ୍ତ୍ଵ ରଖ
ପ୍ରକୃତି ଓ ପରିବେଶକୁ
ତିଳେ ହେଁ ପରଖ
ମାନବ ଜାତିକୁ ତଥା
ଜୀବଜଗତକୁ ଦେଖ
ସ୍ଵହସ୍ତେ ବିଶ୍ଵ ଧ୍ଵଂସ କରିବାକୁ
ଚେଷ୍ଟିତ ନ ହୋଇ
ପ୍ରାକୃତିକ ବିପର୍ଯ୍ୟୟରୁ
ରକ୍ଷା ପାଇଁ ଚେଷ୍ଟା ଜାରୀ ରଖ
ଅପ୍ରାସଙ୍ଗିକ ଓ ଅନାବଶ୍ୟକ
ଆବିଷ୍କାର ଉଦ୍ଭାବନରୁ
ହେ ମାନବଜାତି
ନିଜକୁ ଦୂରେଇ ରଖ
ବିଜ୍ଞାନର ଦ୍ଵାହି ଦେଇ
ବିକାଶର ନାଁ ନେଇ
ମଣିଷ ଜାତି ଉପରେ ନ କର
ବାରମ୍ବାର ଗବେଷଣା
କୁଢ କୁଢ ଶବ ପରେ
ଗବେଷଣାର ସନ୍ଧର୍ବ ନ ଲେଖ
ହେ ଅତ୍ୟାଚାରୀ ମଣିଷ
ବନ୍ୟା, ବାତ୍ୟା,
ପ୍ରାକୃତିକ ବିପର୍ଯ୍ୟୟ,
ଦୁର୍ଭିକ୍ଷ ଓ ମହାମାରୀରୁ
ଏବେ ସମୟ ଆସିଛି
ତୁମେ ଅନେକ କିଛି
ଶିଖରେ ମଣିଷ ଶିଖ ।
