ଶିଖର ଚଣ୍ଡୀଲୋ ଶିଖର ଚଣ୍ଡୀ

ଶିଖର ଚଣ୍ଡୀଲୋ ଶିଖରଚଣ୍ଡୀ l

     ପାହାଡ଼ ଶିଖରେ ସିନ୍ଦୂର ମୁଣ୍ଡି ll

ବିପଦେ ଆପଦେ ମାଆ ତୁ ସାହା l

    ମଙ୍ଗଳମୟୀ ତୁ ମଙ୍ଗଳା ମାଆ ll

ପାର୍ଶ୍ୱେ ରହିଛନ୍ତି ପ୍ରଭୁ ବିଘ୍ନେଶ l

     ବିଘ୍ନହର ସିଦ୍ଧି ଦାତା ଗଣେଶ ll

ଅଳପ ଦୂରରେ ବାଣୀ ଶ୍ରୀକ୍ଷେତ୍ର l

    ତହିଁ ବିଜେ ପ୍ରଭୁ ଶ୍ରୀଜଗନ୍ନାଥ ll

ଐଶାନ୍ୟକୋଣରେ ଈଶାନେଶ୍ଵର l

    ଭୋଳାଶଙ୍କରଙ୍କ ଭବ୍ୟ ମନ୍ଦିର ll

ସମ୍ମୁଖେ ଅଛନ୍ତି ମାଆ ପାର୍ବତୀ l

   ଉମା ମାହେଶ୍ୱରୀ ହଇମବତୀ ll

ସୌନ୍ଦର୍ଯ୍ୟ ସୁଷମା ପ୍ରକୃତି ରାଣୀ l

  ମୁନି ମନୋହାରୀ ମନମୋହିନୀ ll

ପର୍ଯ୍ୟଟକ ଦଳ ଆସନ୍ତି ଛୁଟି l

   ଛୁଟିଦିନ ଦେବେ ଆନନ୍ଦେ କ

Advertisement

ାଟି ll

ବଣଭୋଜି ସ୍ଥଳୀ ବନ ବିହାର l

  ରନ୍ଧନ ଭୋଜନ ସୁଖେ ଆହାର ll

ଚଣ୍ଡୀ ରହିଥାନ୍ତି ପଥକୁ ଚାହିଁ l

  କେତେଦୁରୁ ଭକ୍ତେ ଆସନ୍ତି ଧାଇଁ ll

ଦରଶନ କର ହେଳା ନକରି l

  ଢାଳିଦେବେ ମାଆ ଆଶିଷବାରି ll

ଜୟ ଧ୍ୱଜା ଉଡ଼େ ମାଆ ତୋହର l

   ତୋ ସହର ମାଆ ଭୁବନେଶ୍ୱର ll

ଜଗତ ଭିତରେ ନଗର ରାଣୀ l

   ମନ୍ଦିରମାଳିନୀ ମନୋହାରିଣୀ ll

ମାଆଲୋ ମଙ୍ଗଳେ ମଙ୍ଗଳ କର l

  କୁଶଳେ ରଖିଥା ସନ୍ତାନେ ତୋର ll

ତୁହି ମା ଜନନୀ ତୁହି ମା ଚଣ୍ଡୀ l

   କଳାପାହାଡ଼କୁ କୋଣାର୍କେ ଭଣ୍ଡି ll

ଦୁର୍ଗତି ନାଶିନୀ ଖଣ୍ଡ ଦୁର୍ଗତି l

   ନମସ୍ତେ ନମସ୍ତେ ମା' ଭଗବତୀ ll