ନବନ୍ମେଷ

ତଥାପି କାୟା ବିସ୍ତାରୁଛି ମାୟାବିନୀ ,

ଉତ୍କଟ ନବଗ୍ରହ କୂଟ,

ରୋଗ ଦୁଃଖ ଅନ୍ଧକାର ସଂକ୍ରମଣ

ବିକଟ ଏ

କରୋନା ସଙ୍କଟ ।

ବନ୍ଦ ଗୃହେ ଆବୃତ୍ତ ମୁହଁ ନାକ,

ବୃତ୍ତି ହୀନ ଅପୋଷ କୁଟୁମ୍ବ,

ନାଥ ତୁମେ ଅକାଳ ଅବେଳେ

ଜଗତର କର ପରିତ୍ରାଣ ।

ଜୟ ଘୋଷେ ଚଳୁ ନନ୍ଦିଘୋଷ ,

ଜଡ଼ ପ୍ରାଣେ ହେଉ ଜୀବନ୍ୟାସ

ମାଟି ମା' ସବୁଜିମା 

ଇନ୍ଦ୍ର ନୀଳ ସୁନ୍ଦର ଛବିରେ

ଫୁଟୁ ମଧୁହାସ ,

ପୁଣ୍ୟ ଦିବ୍ୟ ଆଲୋକରେ

ଜୀବନର ହେଉ ନବନ୍ମେଷ ,

ସତ୍ୟ ଶାନ୍ତି ନିରାମୟ ମୁକତି ଆନନ୍ଦେ

ପ୍ରସ୍ଫୁଟିତ ହେଉ ଭାବୋଚ୍ଛ୍ୱ।ସ।

କାଳବକ୍ଷେ ସ୍ୱର୍ଣ୍ଣାକ୍ଷରେ ଲିପିବଦ୍ଧ

ହୋଇରହୁ ନୂଆ ଇତିହାସ,

ମୃତୁଞ୍ଜୟୀ ଜ୍ଞାନ ବୀର 

ଏ ମାଟି ମଣିଷ,

ଅତୁଲ୍ୟ ମହାନ ଅଟେ ମୋ ଦେଶ

ଧନ୍ୟ ସ୍ୱର୍ଣ୍ଣପ୍ରସୂ ଭୂମି

ମୋ ଭାରତବର୍ଷ ।

ନୀଳଚକ୍ର ନୀଳାକ୍ଷର ଫରଫର ତ୍ରିରଙ୍ଗାରେ

ଯଶ ତୋର ଦୀପ୍ତିମାନ 

ଅକ୍ଷୁର୍ଣ୍ଣ ଉତ୍କର୍ଷ ।।

.......