ଶୀତରାତି ଯେବେ ଆସେ

ଶୀତ ସବାରିରେ ଫୁଲ ଚାଙ୍ଗୁଡିରେ

ଶୀତ ଆସେ ଶୀତ ଆସେ

କାକର ମୁକ୍ତାରେ ଶିଶିର ଛିଟାରେ

ଧରା ଫିକ୍ ଫିକ୍ ହସେ

ପନିପରିବା ର ହାଟ ବସିଯାଏ 

ହାଣ୍ଡିଶାଳଟି ହସେ

କାଭାଗ୍ଯେ ଜୁଟେନି ମୁନ୍ଦେ ତୋରାଣି 

ଦୁଃଖିନୀ ମାଆଟି କାନ୍ଦେ 

ଦୋକାନ ବଜାରେ ଶୀତବାସ ବସେ

କା ଭାଗ୍ଯେ ମିଳେନି ଛିଣ୍ଡାକନ୍ଥାଟେ

ଚିରାପଣତ କେ ଦେହ ଢାଙ୍କେ

ରାସ୍ତା କଡ ଅବା ଷ୍ଟେସନରେ 

ବସ୍ ଷ୍ଟାଣ୍ଡ ଅବା ବସ୍ତିରେ

ଶୀତରାତି ଯେବେ ଆସେ

ଅଭାଗା ମଣିଷ କରେ ହାତ ଦେଇ

ନିଆଁ ପୋଇଁବାକୁ ବସେ

ଋତୁଚକ୍ର ସାଥେ ଆସୁଥାଉ ଶୀତ

ହସୁଥାଉ ଏଇ ଧରା

ଶୀତରାତିଟି ଦୂରେଇ ନେଉ 

ଦୁଃଖୀ ଦୁଃଖ ଅପାସୋରା।