ମୋ ବୋଉ (ମା)

ତୁ ଦଶ ମାସ ପେଟରେ ଧରି ଜନମ ଦେଲୁ,

ଲୁହ, ଲହୁ ଦେଇ ତ ମୋତେ ମଣିଷ କଲୁ ।

ତୋ ହାତ ଧରି ତ ମୁଁ ମୋ ଚାଲି ଶିଖିଚି

ତୋ କୋଳେ ବସି କେତେ ଯାତ୍ରା ଦେଖିଛି ।

ଦୁଷ୍ଟ ହେଲେ କେତେ ମାଡ ଗାଳି ଖାଇଛି

ତୋ ଛାତିରେ ମୁହଁ ଲୁଚେଇ ଲୁହ ଢାଳିଛି ।

ଖାଇ ନଥାଏ ଯଦି ଗେଲ କରି ଖୁଆଇଛୁ

ଜନମ ଦିନରୁ ଖାଲି ଭଲ ପାଇବା ଦେଇଛୁ ।

ମନ କଷ୍ଟ କରୁ ମୋ ଜୀବନର ପ୍ରତିଟି ଦୁଃଖରେ

ପାଇବିନି ଆପଣାପଣ ଅନ୍ୟଠାରୁ ଜୀବନରେ ।

ପିଣ୍ଡକୁ ପ୍ରାଣ, କର୍ମ ଦେଇନୁ ସିନା ଆଉ ସବୁରେ

ଚାଲିବା ପାଇଁ ତ ରାସ୍ତା ଦେଖାଇଛୁ ମୋତେରେ ।

ତୁ ହିଁ ସର୍ବଶେଷ୍ଠ ଦେବୀ ମୋ ବିଶ୍ୱାସ ଅନୁଭବରେ

ତୋ ଛଡା କହ ଆଉ ନିଜର କିଏ ଏ ଦୁନିଆରେ ।

ତୋ ଭିତରେ ପାଏ ମୁଁ ତେତିଶ କୋଟି ଦେବତାଙ୍କୁ 

ତୋର ଟିକିଏ ଆହା ପଦରେ ମୁଁ ମେଣ୍ଟାଏ ଦୁଃଖକୁ ।