ଶୀତ ର ସ୍କେଚ୍

ମୋ ଝର୍କାର ଫାଙ୍କ ଦେଇ 

ଖରା ଲମ୍ବା କୁଦା ମାରିଲା ବେଳେ 

ତମେ ସ୍ମିତ ହସ ହସୁଥାଅ 

ମୋ ବେଡସିଟ୍ ଭିତରେ 

ହାତରେ ହାତକୁ ଛନ୍ଦି 

ଦେହରେ ଦେହକୁ ବାନ୍ଧି

ବିଲକୁଲ ଏକ ପ୍ରେମିକା ପଣରେ

ମୁଁ ହାରିଯାଏ 

ଏକ ପ୍ରେମିକ ପରି 

ଆଉ ସରିଯାଏ 

ମୋର ତମାମ ବାହାନା 

ତମେ ମୋ ଆଖିରେ ଆଖି 

ଆଉ ନିଃଶ୍ବାସରେ ତମ

ବିଶ୍ବାସ ନେଶିଲା ବେଳେ

ମୁଁ ଉଠିଯାଏ 

ଚାଲିଯାଏ ଆଗକୁ ଆଗକୁ 

ସମୟର କଡ ଲେଉଟାଣିରେ 

ତମେ ସେମିତି ମୋ ପିଠିରେ 

ଆଉଜିଥାଅ 

ହାଇ ମାରୁଥାଅ 

ଆଉ ଗପ ଶୁଣୁଥାଅ 

ବିଲକୁଲ ଏକ ଖିଆଲି ମନରେ

ତମେ ଖୁସି ହୁଅ 

ଆଉ ଲାଖି ଯାଅ 

ସକାଳ ଚା'ର ଗରମ ବାମ୍ଫରେ

ଟିକେ ତରଳିଲା ପରେ 

ଭାରି ନିଜର ନିଜର ଲାଗ

ବାସ୍ କିଛି କ୍ଷଣ ପରେ

ତମେ ମାଗିନିଅ

ମୁଁ ଦେଇଦିଏ 

ମୋର ସବୁତକ ସମୟ 

ଦିନ ଆଉ ରାତି 

ତମ ମନରେ ମୋ ମନର

ଶବ୍ଦ ସବୁ ଘର କଲା ପରେ

ତମେ ଭାରି ସହଜ ଲାଗ

ଆଉ ସରଳ ବି 

ଦିନର ହାଲକା ଖରାରେ 

ହେଲେ ଭାରି ଅଲଗା ଲାଗ

ପାହାଡର ପିଠି ପଟେ 

 କିଏ ମୁଣ୍ଡ ଗୁଞିଲା ବେଳେ 

ରାତିର ଛାତିରେ ପଦେ

ଗଜଲ ଗାଇଲା ବେଳେ