Library
Profile
ଶୀତ ବସ୍ତ୍ର କିଣି ଦିଅ
ଶୀତ ବସ୍ତ୍ର କିଣି ଦିଅ
ଡାକିଡାକି ଆଜି ଥକି ମୁଁ ଗଲିଣି
କଳାକାହ୍ନୁ ନୀଳମଣି
କେଉଁ ଦିନ ପ୍ରଭୁ ଡାକ ତୁ ଶୁଣିବ
ପ୍ରବଳ ଶୀତ ହେଲାଣି
କଳାକାହ୍ନୁ
ନାହିଁ ଧନରତ୍ନ ଅଟେ ଦୀନହୀନ
କିଣିନି ଶୀତ ବସନ
ସାରା ଦେହ ମୋର ଶୀତରେ ଥରୁଛି
କେମିତି କାଟିବି ଦିନ
ତୁହି ପରା ସେହି ଜଗତ ଠାକୁର
ଦେଉଥାଉ ମନ ଜାଣି
ଅବହେଳା ମୋତେ କରୁଛ କାହିଁକି
ପାରୁନି ଜାକେଟ କିଣି
କଳାକାହ୍ନୁ
ବସିଅଛୁ ତୁହି ସମୁଦ୍ର କୂଳରେ
ସଙ୍ଗରେ ଧରି ଭଉଣୀ
ମୁଁ ଏଠି ବସିକି ଭଙ୍ଗା କୁଡିଆରେ
ଶୀତରେ କମ୍ପୁଛି ପୁଣି
କଳାକାହ୍ନୁ
ଗଢିଅଛୁ ତୁ ତ ଏ ବିଶ୍ବଵ୍ରହ୍ମାଣ୍ଡ
ସଭିଏ ତମର ପ୍ରାଣୀ
ନମାଗିଲେ କିଛି ଦେଉଥାଉ ପୁଣି
ମନକଥା ଜାଣି ଜାଣି
କଳାକାହ୍ନୁ
ଗମ୍ଭୀରା ଭିତରେ ଆରାମେ ବସିଛୁ
ଦାମିକା ବସନ କିଣି
ମୁଁ ଏଠି ମରୁଛି ଶୀତରେ ଥରିକି
(ମୋତେ)ଶୀତବସ୍ତ୍ର ଦିଅ କିଣି
କଳାକାହ୍ନୁ
ତୁ କିଆଁ ଜାଣିବୁ ପତିତର ଦୁଃଖ
ବସି ବଜାଉ ଖଞ୍ଜଣି
ସୁଖ ଆନନ୍ଦରେ ନିଜେ ତୁ ବସିଛୁ
ମୋତେ ତୁ ଭୁଲିଗଲୁଣି
କଳାକାହ୍ନୁ
କାହିଁକି ବୋଲିଵି ଜଗତ ଠାକୁର
ପଥର ତୁ ତ ହେଲୁଣି
ମୁରୁକି ହସୁଛୁ ଦେଉଳ ଭିତରେ
(ମୁଁ) ଶୀତରେ ଥରି ମଲିଣି
ଏସମୟେ ମୋତେ କାହିଁ ଦେଉ କଷ୍ଟ
ବୟସ ମୋର ହେଲାଣି
କହେ ହାତଯୋଡି ଆହେ ନୀଳମଣି
ଯିବାକୁ ବେଳ ହେଲାଣି
କଳାକାହ୍ନୁ
ପ୍ରବଳ ଶୀତ ହେ
କଳାକାହ୍ନୁ ନୀଳ
ଡାକିଡାକି ପ୍ରଭୁ
