ଶୀତ ଆଗମନ

ଦିନ ଗଡ଼ି ଗଲେ ଲାଗେ ଥଣ୍ଡା ଥଣ୍ଡା

ଧିରେ ଧିରେ ଆସେ ଶୀତ

ଆକାଶୁ ପଡ଼ିବା ଆରମ୍ଭ ହୁଅଇ

ଶିଶିର ବିନ୍ଦୁ ବହୁତ ।

ଅଜାଣତେ ଯଦି କୌଣସି ଜିନିଷ

ପଦାରେ ହିଁ ରହିଯାଏ

କାକର ବିନ୍ଦୁରେ ଓଦା ଜୁଡ଼ୁବୁଡ଼ୁ

ଶୀତଦିନେ ହୋଇଥାଏ ।

କାକର ବିନ୍ଦୁରେ ବଗିଚାର ଗେଣ୍ଡୁ

ଗଛଯେ ସତେଜ ଦିଶେ

ସକାଳ ହୋଇଲେ ଗେଣ୍ଡୁ ଫୁଲ ଭରା

ବଗିଚା ସତେକି ହସେ ।

ରାତିରେ ପ୍ରବଳ ଶୀତ ପଡ଼ୁଥାଏ

ବଜାର ଭିଡ଼ ନଥାଏ

କାମ ସରିଗଲେ ଯେକେହି ଘରକୁ

ଅବିଳମ୍ବେ ଫେରିଯାଏ ।

ରାସ୍ତାକଡ଼େ ଅବା ଛକ ବଜାରରେ

ଶୀତବସ୍ତ୍ର ବିକ୍ରି ହୁଏ

ପିଲା ଠାରୁ ବୁଢ଼ା ଶୀତବସ୍ତ୍ର ପିନ୍ଧି

ଶୀତ କୋପୁ ବର୍ତ୍ତୀ ଯାଏ ।

ଶୀତର କୋପକୁ ନଡ଼ରି କୃଷକ

ବଢ଼ି ସକାଳୁ ବିଲରେ

ଧାନ କାଟୁଥାଏ ଘରଣୀ ପହଞ୍ଚେ

ଚା'ଧରି ତା' ପାଖରେ ।

ଶୀତଦିନେ ପରା ଦେହେ ନାନା ରୋଗ

ହୁଏ ଭାଇ ପରା ଦୂର

ଶୀତଋତୁ ଭଲ ଶୀତ ଆଗମନେ

ହସଇ ସାରା ସଂସାର ।