Library
ଶୀତ -1
ଶୀତ -1
1 min
201
ପଡ଼ିଛି ନୀରବ ସହର ବଜାର
ଘେରିଛି ପୁଣି ସଂସାରକୁ ଶୀତ
ଘନ କୁହୁଡିର ଆବରଣ ତଳେ
ହଜିଛି କେଉଁଠି ବିହଙ୍ଗ ଗୀତ I
ପତ୍ରହୀନ ହୋଇ ଦ୍ରୁମ ଦେହ କମ୍ପେ
ଥରେ ପବନରେ ଶାଖା ପ୍ରଶାଖା
ବରଫ ପାଲଟେ କ୍ଷୀପ୍ର ନଦୀ ଜଳ
ସ୍ଵଚ୍ଛ କାଚ ଭଳି ଦିଅଇ ଦେଖା I
ତୁଷାର ଝଡ଼ରେ ଅସ୍ତ ବ୍ୟସ୍ତ ହୁଏ
ବାଧା ପ୍ରାପ୍ତ ହୁଏ ଜନ ଜୀବନ
ଖୋଜେ ମନ ଉଷ୍ଣ ରବିର କିରଣ
ରାତି ବଢି ଯାଇ ଘଟିଲେ ଦିନ I
ଯେତେ ହିମ ଝରୁ ଆକାଶ ବୁକୁରୁ
ଧରାକୁ ଦେଉ ଧବଳରେ ଭରି
ବରଫର ତଳେ ଆଗାମୀ ବସନ୍ତ
ଲୁଚି ରହିଛି ଯୁଗ ଯୁଗ ଧରି I
