Library
Profile
*ଶୀର୍ଷକ:-*❤ *ବିଜ୍ଞାନର କରାମତି*❤******************
*ଶୀର୍ଷକ:-*❤ *ବିଜ୍ଞାନର କରାମତି*❤******************
ଏଇ ବିଶ୍ବ ଆଜି ଦେଖି ତ ସାରିଛି
ବିଜ୍ଞାନର କରାମତି
ଜଳରେ ବୁଡୁଛି ଆକାଶେ ଉଡୁଛି
ସ୍ଥଳରେ କରୁଛି ଗତି ।
ଚନ୍ଦ୍ରଯାନେ ଯାଇ ଜହ୍ନ ରାଇଜରେ
ଆଙ୍କି ଦେଲା ତାର ସ୍ମୃତି
ଦକ୍ଷିଣ ପୃଷ୍ଠରେ ଲେଖି ଦେଲା ନାଆଁ
ସିଏ ତ ଅଲିଭା ଜ୍ୟୋତି ।
ଛୁକ୍ ଛୁକ୍ ରେଳଗାଡି ଚାଲୁଅଛି
ଜଳୁଛି ବିଜୁଳିବତୀ
ଦୂରଦର୍ଶନ, ମୋବାଇଲ୍, ରେଡିଓ
ମନୋରଞ୍ଜନ ସେ ଅତି ।
ପରମାଣୁ ବୋମା, ଗୋଳା ବାରୁଦ ବି
ତିଆରି କରୁଛି ନିତି
କେତେ କ୍ଷେପଣାସ୍ତ୍ର କରୁଛି ନିର୍ମିତ
ସବୁ ବିଜ୍ଞାନର ସ୍ଥିତି ।
ଖାଇବା ପିଇବା ଲଗାପିନ୍ଧା ଯେତେ
ଶାମୁକା ଦେହରେ ମୋତି
କୃତ୍ରିମ ବରଷା, ଅଗ୍ନି ଅସ୍ତ୍ର ସାଥେ
କରିଛି କେତେ ଉତ୍ପତ୍ତି ।
ଘରେ ବସି ଦେଶ ବିଦେଶ ଖବର
ଜାଣୁଛି ବିଶ୍ବର ଗତି
ଇଣ୍ଟରନେଟ ମାଧ୍ୟମରେ ଦେଶ ଆଜି
କରିଅଛି ଅଗ୍ରଗତି ।
ପ୍ରତି ଘରେ ଘରେ ପଙ୍ଖା ଘୁରୁଅଛି
ସିନେମା ଦେଖୁଛି ନିତି
ବିଜ୍ଞାନର ଯୋଗୁଁ ଜୀବନ ଶୈଳୀରେ
ଘଟିଛି ବହେ ଉନ୍ନତି ।
କମ୍ପ୍ୟୁଟର ଯୁଗ କହିଲେ ଅତ୍ଯୁକ୍ତି
ହେବନି ଏଇ ଧରିତ୍ରୀ
ପିଲା ଜନ୍ମଠାରୁ ବାର୍ଦ୍ଧକ୍ୟ ପର୍ଯ୍ଯନ୍ତ
ବିତୁଥିବା ଯେତେ ରାତି ।
ସବୁ ସମୟରେ ପ୍ରତି ମୁହୂର୍ତ୍ତରେ
ବିଜ୍ଞାନର ଅଗ୍ରଗତି
ଦମକଳ ଅଗ୍ନି ନିର୍ବାପକ ଯନ୍ତ୍ର
ସବୁ ତାର କରାମତି ।
ଅମ୍ଳଜାନ କେତେ ଯୋଗାଇ ଦେଉଛି
ରୋଗୀ କହେ ଅନୁଭୂତି
ବିଜ୍ଞାନ ବଳରେ ମରଣ ମୁହଁରୁ
ଆଜି ସେ ଯାଉଛି ବର୍ତ୍ତି ।
ଗୀତ ନୃତ୍ୟ ବାଦ୍ୟ ଯନ୍ତ୍ର ବି ନିର୍ମିତ
ମନେ ଭରେ ସିଏ ପ୍ରୀତି
ବୀର ଯବାନଙ୍କ ବନ୍ଧୁକେ ସୁରକ୍ଷା
ମନେ ଟିକେ ନାହିଁ ଭିତି ।
ଜନ୍ମଠାରୁ ପୁଣି ପାଉଁଶ ପର୍ଯ୍ୟନ୍ତ
ବିଜ୍ଞାନର କରାମତି
ସବୁରି କ୍ଷେତ୍ରରେ ତାର ଅବଦାନ
ରହିଛି ଅନେକ ସ୍ମୃତି ।
ବିଜ୍ଞାନ ବଳରେ ଏଇତ ମାନବ
ବିଶ୍ବକୁ ଯାଇଛି ଜିତି
ଆଙ୍କିଛି ଅନେକ ସ୍ମୁତି ଅନୁଭୂତି
ଅଭୁଲା ତା କରାମତି ।
