ସହୀଦ୍ ଭଗତ

ଉଣେଇଶ ଶହ ସାତ ସେପ୍ଟେମ୍ବର

ଅଠେଇଶ ତାରିଖରେ ,

ପଞ୍ଜାବ ପ୍ରଦେଶେ ଜନ୍ମିଲେ ଭଗତ

ଏକ ଶିଖ୍ ପରିବାରେ ।

ମାତା ବିଦ୍ୟାବତୀ ପିତା କିଷନ ସିଂ

ତାଙ୍କ ପୁରା ପରିବାର ,

ଦେଶ ମାତୃକାର ସେବାରେ ଜୀବନ

ଉତ୍ସର୍ଗୀ ଥିଲେ ନିଜର ।

ଜନ୍ମରୁ ଭଗତ ଦେଶଭକ୍ତି ଗାଥା

ଶୁଣି ପିତା ମାତା ଠାରୁ ,

ନିଜକୁ ସେଥିରେ ନିୟୋଜିତ କଲେ

ଷୋଳ ବର୍ଷ ବୟସରୁ ।

ସାମ୍ବାଦିକ ଭାବେ ଅପାର ଦକ୍ଷତା

ଥିଲା ତାଙ୍କ ଏକ ଗୁଣ ,

ବିଭିନ୍ନ ଭାଷାର ପତ୍ର ପତ୍ରିକାରେ

ଦେଲେ ଉଚ୍ଚ ବାର୍ତ୍ତା ମାନ ।

ଜାଲିୱାନାବାଗ ହତ୍ୟାକାଣ୍ଡ ଦେଖି

ହୋଇଗଲେ ସ୍ତମ୍ଭିଭୂତ ,

ବୈପ୍ଳବିକ ଚିନ୍ତା ଅଧିକ ମାତ୍ରାରେ

ହେଲା ମନେ ଦୃଢିଭୂତ ।

ଭାରତ ବିରୋଧୀ ବିଲ୍ ପାସ୍ ବେଳେ

ବିଧାନ ସଭାରେ ବୋମା ,

ନିକ୍ଷେପି ଭଗତ ଧରା ପଡିଗଲେ

ମିଳିଲାନି ସେଥେ କ୍ଷମା ।

ନିଷ୍ଠୁର ବେଭାର କୟେଦୀଙ୍କ ପ୍ରତି

ଦେଖି ହେଲେ ମ୍ରିୟମାଣ ,

ଗୋରା ପୋଲିସଙ୍କୁ ଆଣିଲେ ବାଟକୁ

ଆପଣାଇ ଅନଶନ ।

ଉଣେଇଶ ଶହ ଏକତିରିଶର

ତାରିଖ ମାର୍ଚ୍ଚ ତେଇଶି ,

ରାଜଗୁରୁ ସୁଖଦେବ ଓ ଭଗତ

ହସି ବରିନେଲେ ଫାଶୀ ।

ପବିତ୍ର ଆତ୍ମାକୁ ସମ୍ମାନ ଜଣାଇ

ସହୀଦ ଦିବସ ଭାବେ ,

ପାଳନ କରୁଛୁ ସେହି ଦିବସକୁ

ଭାରତବାସୀ ସଗର୍ବେ ।