ଆଶ୍ରା ନାହିଁ ତୁମ ବିନା

ସଳିତାର ବିନା     ଦୀପ ତ ଜଳେନା

    ଘୃତର ବିନା ବି ଜଳେନା

ସଳିତା ଓ ଘୃତ     ହୋଇଲେ ଏକତ୍ର

     ସୃଷ୍ଟି ହୁଏ ନୂଆ ଭାବନା

    ପ୍ରଭୁ ,ଆଶ୍ରା ନାହିଁ ତୁମ ବିନା ।

ପାଞ୍ଚ ମନ ଆଉ      ପଚିଶ ପକୃତୀ

    ଦିଅନ୍ତି ମରଣ ଯାତନା

ଖଞ୍ଜି ଦେଇଛ ତ      ଜୀବନ କଣ୍ଟକ 

    ମରଣର ଫାନ୍ଦ ଯୋଜନା

ପଞ୍ଚୁ କଲା ନ୍ୟାୟ   ହେଉ ବି ଅନ୍ୟାୟ

    &

Advertisement

nbsp;ମାନି ନେବା ସତ ଠିକଣା

ବହୁ ସଉତୁଣୀ     ସ୍ବାମୀ ମରେ ପୁଣି

     ଭୋଗି ଭୋଗି ଯମ ଯନ୍ତ୍ରଣା ।

କାହାକୁ ରଖିବି    ଦ୍ୱାରେ ଦେଇ ଚାବି

    ଆନ ହୁଏ ଯେ ଆନମନା

ବିଚଳିତ ମନ      ନ କରେ ସାଧନା

     ତୁମ ଯଶ କୀର୍ତ୍ତି ଗାରିମା

ଥରେ ଚାହିଁ ଦେଖ   ଆହେ କଳା ମୁଖ

     ବଳିଲାଣି ମୋର ବେଦନା

ଆର ଜନମକୁ      ଜନମ ତୁ ଦେବୁ

     ନ ଥିବ କାମନା ବାସନା ।