ଲାଇବ୍ରେରୀ
ପ୍ରୋଫାଇଲ୍
ମିତ ପାଇଁ ଗୀତଟିଏ
ମିତ ପାଇଁ ଗୀତଟିଏ
1 min
199
ମିତ ପାଇଁ ଗୀତ ଲେଖି ମନ ତୃପ୍ତ
ଝରି ଯାଏ ସତେ କି ମହୁ
ମୋ ମିତ ଖୁସିରେ ନାଚି ଉଠଇରେ
ପଦିଏ ପଢ଼ି ଦେଉ ଦେଉ
ଏଠୁ ସମ୍ପର୍କ
ବୁଝା ପଡେ କେତେ ମଧୁର
ଦୁଇଟି ହୃଦୟ ତୋଳେ ଜୟ ଜୟ
ଛୁଟାଇ ସୁଅ ମମତାର ।
କେତେ ସ୍ବଚ୍ଛ ସତେ ତୁମ ସ୍ମୃତି ହୃଦେ
ରୋମନ୍ଥନେ ଖୁସି ଅପାର
ମୋ ଜୀବନ ସ୍ରୋତେ କୁଳୁକୁଳୁ ନାଦେ
ଥିଲ ତୁମେ ଝରଣା ଝର
ସେହି ରାଗିଣୀ
ଏବେ ମଧ୍ୟ ପ୍ରତିଧ୍ବନିତ
ତୁମ ପାଇଁ ଆଜି ହରଷରେ ଭିଜି
ତୋଳଇ ସୁଖ ଅପ୍ରମିତ ।
ତୁମରି ତ୍ୟାଗର ପାଉଛି ମୁଁ ଫଳ
ଜୀବନ ଥିବାଯାଏ ଋଣୀ
ଭୁଲି ପାରିବିନି ସେ ଅଭୟ ବାଣୀ
ସରବଦା ମନରେ ଗୁଣି
ତୁମ ମହତ୍ତ୍ଵ
ଅନୁଭବି ନିଜ ଅନ୍ତରେ
ମିତଟିଏ ନୁହେଁ ତୁମେ ଦେବୀଟିଏ
ରହିଥିବ ମୋ ହୃଦୟରେ ।
