ଭିନ୍ନ ଏକ ରାସ୍ତା
ଭିନ୍ନ ଏକ ରାସ୍ତା
ଲୋଡ଼ା ନାହିଁ ଭାଇ ପିଚୁ କି କଂକ୍ରିଟ
ଲୋଡ଼ା ନାହିଁ ମାଟି, ଗୋଡ଼ି, ପଥର
ନାହିଁ ଦରକାର ଜାଗା ବାଡ଼ି କାର
ସରକାରୀ ହେଉ ଅବା ନିଜର ।
ସେ ରାସ୍ତାରେ ପାଦ ଥରେ ଯେ ଥାପିଛି
ହୋଇ ପାରି ନାହିଁ ସେଠୁ ବାହାର
ହୋଇଯାଏ ନଷ୍ଟ ଫେରିବାକୁ କଷ୍ଟ
ଉଜୁଡି ଯାଏ ଟି ଘର ସଂସାର ।
ସେହି ରାସ୍ତା ପାଇଁ ହୋଇଛି କେ ଚୋର
ପୋଲିସ ହୋଇଛି ଘରେ ହାଜର
ଗୁରୁ, ପିତା, ମାତା, ବନ୍ଧୁ ପରିବାର
ସରମରେ ମଥା ନଏଁ ତାଙ୍କର ।
ପରିବାର ମୂଖ୍ୟ ଗଲେ ଏ ରାସ୍ତା ରେ
ଦେଶ ଭବିଷ୍ୟତ ହୁଏ ଅନ୍ଧାର
ପୁତ୍ର, ପତ୍ନୀ, କନ୍ୟା ହୁଅନ୍ତି ଶିକାର
ଏ ସମାଜ କରେ ଦୂରୁ ଜୁହାର ।
ଗଞ୍ଜେଇ,ଅଫିମ, ବ୍ରାଉନ ସୁଗାର
ଜୁଆ,ମଦ ଠାରୁ ରହିଲେ ଦୂର
ଜୀବନ ରାସ୍ତା ଟି ସଳଖ ସୁନ୍ଦର
ହୋଇବୁ ଧନ ପ୍ରିୟ ସଭିଙ୍କର ।