ଶିବ ଜଣାଣ
ଶିବ ଜଣାଣ
ଆଜି ସୋମବାର ମନରେ ମୋହର
ଦାନା ବାନ୍ଧେ ଶବ୍ଦ ପୁଞ୍ଜ
ଶିବଙ୍କ ଜଣାଣ ଲେଖିବି ଭାବୁଛି
କଣ୍ଠେ ବିଜେ ହୁଅ ତାତ ।
ଆହେ ପଶୁପତି ହେ ପାର୍ବତୀପତି
ଘେନାକର ମୋ ମିନତୀ
ସଂହାର କରତା ହେ ପରମ ପିତା
ତୁମେ ଅଟ ମହାଜତି ।
ତୁମ୍ଭେ ଆଶୁତୋଷ ପୁଣି ଜଟି କେଶ
ଫେଡ଼ନ୍ତୁ ମୋହର କ୍ଲେଶ
ତାଣ୍ଡବ ନୃତ୍ୟରେ ରଚାଇ ମହୀରେ
ଧରାକୁ କର ଉଶ୍ୱାସ ।
ଆହେ ପଞ୍ଚାନନ ବୃଷଭ ବାହନ
ଅର୍ଘ୍ୟଥାଳ ଘେନା କର
ପ୍ରଭୁ ଯୋଗେଶ୍ୱର ଆହେ ବିଶ୍ୱେଶ୍ୱର
ସୁଦୟା ମୋଠାରେ କର ।
ଚନ୍ଦର ଶେଖର ପୁଣି ଗଙ୍ଗାଧର
ପ୍ରଭୁ ହେ ଶଶୀଶେଖର
ଶଶାଙ୍କ ଶେଖର ହିମାଂଶୁ ଶେଖର
ଭବଜଳୁ ପାରିକର ।
କୈଳାଶ ନିବାସୀ ଆହେ ଉମାପତି
ପ୍ରଭୁ ପିନାକୀ ଧୃଜଟୀ
ଧ୍ୟାୟୀ ମୁଁ ଚରଣ ପଶୁଛି ଶରଣ
ତୁମେ ମୋର ଗତି ମୁକ୍ତି ।
ତୁମ୍ଭ ରଚା ଚରା- ଚର ଏଇ ଧରା
ମହାମାରୀ କବଳିତ
ନୀଳକଣ୍ଠେଶ୍ଵର ନାମ ସାର୍ଥ କର
ଲୋକପାଳ ଲୋକନାଥ ।