ଜାତୀୟ ଧ୍ଵଜା ତ୍ରିରଙ୍ଗା

ପିଙ୍ଗଳୀ ଭେଙ୍କେୟା ଦେଇଥିଲେ ରୂପ

ସମ ଭାଗ ରଙ୍ଗ ତିନି,

ଖଦୀ କପଡ଼ାରେ ହୁଅଇ ତିଆରି

ପ୍ରସ୍ଥ ଦୁଇ ଲମ୍ବ ତିନି ।

ଉଣେଇଶ ସତଚାଳିଶ ମସିହା

ଜୁଲାଇ ବାଇଶି ଦିନ,

ସମ୍ବିଧାନ ସଭା ଗ୍ରହଣ କରିଲା

ହେଲା ଜାତୀୟ କେତନ ।

ତିନୋଟି ରଙ୍ଗର ସମାହାର ସ୍ଥଳ

ଆମ ଜାତୀୟ ପତାକା,

ଉପରେ ନାରଙ୍ଗୀ ନିମ୍ନରେ ସବୁଜ

ଧଳାରେ ଅଶୋକ ଚକା ।

ବୀରତ୍ଵ ସାହାସ ପ୍ରତୀକ ନାରଙ୍ଗୀ

ସତ୍ୟ ମୈତ୍ରୀର ଶୁଭ୍ର,

ଭାତୃତ୍ବ ଭାବକୁ ସୂଚାଏ ସବୁଜ

ପ୍ରଗତୀ ଅଶୋକ ଚକ୍ର ।

ମୋ ଜାତି ବୈରେଖ ତ୍ରିରଙ୍ଗା ପତାକା

ଭାରତ ଦେଶର ନେତ,

ସହିଦ ହୋଇଲେ କୋଳେଇ ନେଇଣ

ଅଙ୍ଗ କରେ ଆଚ୍ଛାଦିତ ।

ଆଜାଦି କା ଅମୃତ ମହୋତ୍ସବରେ

ଜାତି ବାନା ଘରେ ଘରେ,

ବୈଜୟନ୍ତୀ ଉଡ଼ାଇ ଜାତି ଧର୍ମ ଭୁଲି

ପାଳିବା ଆନନ୍ଦ ମନେ ।