ଶିବ ବିବାହ
ଶିବ ବିବାହ
ହେ ଗଙ୍ଗା ଧର ହେ ମହେଶ୍ୱର
ବିବାହ ଉତ୍ସବେ ଆସ ହେ ହର ।
ତୁମେ ମହାଦେବ ତୁମେ ସଦା ଶିବ
ବୃଷଭ ବହନେ ଆସ ହେ ଈଶ୍ୱର ।
ତୁମ ପାଇଁ ଆଜି ଜଗତ ନାଚୁଛି
ନଟ ରାଜ ତୁମ ରୂପ କୁ ଦେଖୁଛି ।
ତୁମେ ଅଜନ୍ମା ତୁମେ ଅବିନାଶୀ
ଦେବଙ୍କ ଦେବ କୈଳାସ ବାସି ।
ହେ ଗୁପ୍ତେଶ୍ଵର ହେ ରାମେଶ୍ୱର
ବିବାହ ଉତ୍ସବେ ଆସ ହେ ଶଙ୍କର ।
ମୁଣ୍ଡ ମାଳ କୁ ତୁମେ ଧାରଣ କରିଛ
ଭସ୍ମକୁ ଶ୍ରୀ ଅଙ୍ଗେ ତୁମେ ଲଗାଇଛ ।
ରାମ ନାମକୁ ହୃଦୟେ ରଖି ଥାଅ
ଭକ୍ତର ଦୁଃଖ କୁ ତୁମେ ଶୁଣୁ ଥାଅ ।
ହେ ଯୋଗେଶ୍ଵର ହେ ଜଟାଧର
ବିବାହ ଉତ୍ସବେ ଆସ ନାଗେଶ୍ଵର ।