STORYMIRROR

Bharatabandhu Biswal

Inspirational Others Children

4  

Bharatabandhu Biswal

Inspirational Others Children

ଶହୀଦର ସ୍ତ୍ରୀ ବିଧବା ନୁହଁ

ଶହୀଦର ସ୍ତ୍ରୀ ବିଧବା ନୁହଁ

1 min
15


ମରେ ନାହିଁ କେବେ ଶହୀଦ ଅମର

ଜ୍ଯୋତି ସେ ପ୍ରଜ୍ବଳମାନ

ଦିପ୍ତୀମାନ ସିଏ ଉଜ୍ଜ୍ବଳ ଜ୍ଯୋତିଷ୍କ 

ସୁପ୍ରଭ ସଦା ଅମ୍ଳାନ ।

ଦେଶରକ୍ଷା ପାଇଁ ସମ୍ମୁଖ ସମରେ

ପାତି ଦେଇ ନିଜ ଛାତି

ଶମନ ସହିତ ଲଢେ ରଣବୀର

ସଜଗ ସେ ଦିବାରାତି ।

ମରେ ଅବା ମାରେ ସମର ଭୂମିରେ

ଦିଏ ନାହିଁ ପଛଘୂଞ୍ଚା

ଢାଳି ଦେଇ ରକ୍ତ କରେ ପ୍ରାଣପାତ

ଯୋଦ୍ଧା କରେ ଦେଶ ରକ୍ଷା ।

ଯାଏ ନାହିଁ ବୃଥା ବଳିଦାନ କେବେ

ଶହୀଦଙ୍କ ଆତ୍ମୋତ୍ସର୍ଗ 

ସ୍ବର୍ଣିମ ଅକ୍ଷରେ ହୁଏ ଲିପିବଦ୍ଧ 

ଅନନ୍ଯ ତ୍ଯାଗ ମହାର୍ଘ ।

ଧନ୍ଯ ମାତାପିତା ଯା କୋଳେ ଜନମି

ସନ୍ତାନ ହୁଏ ଶହୀଦ

ଶହୀଦଙ୍କ ପତ୍ନୀ ସଦା ସୀମନ୍ତିନୀ

ତାଙ୍କୁ ଶତ ଧନ୍ୟବାଦ ।

ସିଏ ଜ୍ଯୋତିର୍ମୟୀ ଶକ୍ତି ସ୍ବରୂପିଣୀ

ଅବଳା ନୁହଁ ବିଧବା

ସୁକର୍ତ୍ତବ୍ଯ ସଦା ଆଦର ସମ୍ମାନେ

ଯତ୍ନେ ତାଙ୍କୁ ଖୁସି ଦେବା ।

ସେ ବୀର ରମଣୀ ଲକ୍ଷ୍ମୀ ସୁଲକ୍ଷଣୀ

ମହିୟସୀ ପୂଜନୀୟା

ଋଣୀ ତାଙ୍କ ପାଶେ ଜାତି ଓ ସମାଜ

ତ୍ଯାଗେ ସେ ଅତୁଳନୀୟା ।

  


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Inspirational