ଲାଇବ୍ରେରୀ
ପ୍ରୋଫାଇଲ୍
ଶେଷପର୍ବ
ଶେଷପର୍ବ
1 min
277
ସନ୍ଧ୍ୟା ନଇଁଲା ଜହ୍ନ ଉଇଁଲା
ତାରାଫୁଲ ସବୁ ବିଛେଇ ପଡିଲେ
ମଉଜେ ମଜ୍ଜିଲ ତୁମେ
ମୋ ଆଖିରେ ଖାଲି ଅନ୍ଧାର ଚହଟେ
ମୁଠାଏ ବି ଦାନା ପଡିନାହିଁ ପେଟେ
ଭୋକରେ ମୋ ଆଖି ଝୁମେ I
ତୁମଘରୁ ଶୁଭେ ଆନନ୍ଦର ରୋଳ
ମୋ ଆଖିରେ ଖାଲି ଲୁହର ସାଗର
ଦେଖି ମୁଁ ପାରେନି କିଛି
ଭୋକରେ ମୋପିଲେ ପାଣି ପେଟେ ପିଇ
ରାସ୍ତା କଡରେ ପଡିଛନ୍ତି ଶୋଇ
ଆଖି ବୁଜି ମିଛି ମିଛି I
ତୁମଘରେ ଚାଲେ ସୁରାର ଆସର
ନୀରୀଦେହେ ତୁମେ ଖେଳନିତି ଖେଳ
ମୋ ଦେହେ ରକତ ନାହିଁ
ଦିନସାରା ଖଟି ହରାଇଛି ବଳ
ସହି ପାରେନାହିଁ ପିଲାଙ୍କ ବିକଳ
ଭାବେ ବସିବସି ରାତିକିଆଁ ପାହୁନାହିଁ?
ତୁମ ଅନ୍ୟାୟର ପାପ ପୂଣ୍ୟର
ବିଚାର ହୋଇବ ଦିନେ
ତୁମ ସୁଖଦିନ ସରି ଆସିଲାଣି
ଭାବୁଛି ମୁଁ ମନେ ମନେ I
