ଶେଷ ଚିଠି

ଝରୁଥାଉ ପଛେ ନୟନୁ ଅଶ୍ରୁ ମୋର

ତୁମ ଓଠେ ସଦା ଥାଉ ସ୍ନିଗ୍ଧ ହସର ଗାର

ମରିଯାଉ ପଛେ ମୋର ଆଶା ଅସୁମାରୀ

ତୁମ ସ୍ବପ୍ନ ପୂର୍ଣ ହେଉ ଶତ ସତ ଭରି।

ରାସ୍ତା ମୋର ହେଉ ପଛେ ଅନ୍ଧାରର ପଥ

ତୁମ ଚଲା ବାଟ ହେଉ ବହୁ ଆଲୋକିତ

କ୍ରୋଧରେ ଜର୍ଜିତ କ୍ରୁର ଭାଷା ମୋର

ତୁମ ହୃଦୟକୁ ହାଣେ

ତୁମେ ସୁଭାଷ ଗୋ ସୁମଧୁର ଭାଷ 

କ୍ଷମା କରିଦେବ ଜାଣେ।

ଥାଅ ତୁମେ ଅତି ହସ ଉଲ୍ଲାସରେ

ନିଜ ପ୍ରିୟ ଜନ ପାଶେ

ବିତୁ ତୁମ ଦିନ ଅତି ଆଡମ୍ବରେ

ବିଶ୍ୱାସ ଥାଉ ନି8ଶ୍ୱାସେ।

ତୁମ ପ୍ରାଣ ପୀଡା ଅଶ୍ରୁ ତୁମର

ଅନଳ ର ରୂପ ନେଇ

କରୁଛି ତାଣ୍ଡବ ନୃତ୍ୟ ଅଭିନବ

ହୃଦୟରେ ମୋର ରହି।

ତଥାପି ପ୍ରତୀକ୍ଷା କରିଛି ତୁମକୁ

ମୋ ସମାଧି ମହିପରେ

ଝଙ୍କାରିତ ହେଉ ସମାଧିର ଶିଳା

ପଦରଜ ପଡୁ ବାରେ।