ନୀରିହା ନାରୀ

ଦଗ୍ଧ ହୃଦୟରେ ପ୍ରୀତିର ସମ୍ଭାରେ କଜ୍ୱଳ ରେ ତାର ପୀଡା

ଆଖିର ଅଶ୍ରୁକୁ ଓଠେ ପିଉଥାଏ  ସବୁଠି ସାଜି ଅଲୋଡ଼ା।।

ବିନା ପ୍ରତିବାଦେ କଷ୍ଟ ସହିଯାଏ ଭଗ୍ନୀ ମାଆ ପତ୍ନୀ ସାଜି

ପୁରୁଷ ପ୍ରଧାନ ସମାଜ ଆମର  ଲଗାଏ ନାରୀଙ୍କୁ ବାଜି।।

ନୀରିହ ଚାହାଣୀ ସେ ନୀରିହ ଆତ୍ମା  ହୃଦକୁ ପଥର କରି

ସକଳ ଦାୟିତ୍ବ ମୁଣ୍ଡରେ ମୁଣ୍ଡାଏ  ସିଏ ଯେ ନୀରିହା ନାରୀ।।

ପତି ପୁତ୍ର ଧର୍ମ ଆନନ୍ଦେ ପାଳଇ  ସାଜି ସିଏ ସର୍ବଂସହା

ତା'ଦୁଃଖ ସମୟେ କେହି କେବେ ଥରେ କହିନାହିଁ ପଦେ ଆହା।