ଶେଫାଳି

ଫୁଟିଛି ଘନ କାନନେ 

ସୁଗନ୍ଧ ଭରି ତନୁ ମନେ 

କ୍ଷଣିକ ଯେ ସୁମନ ଆୟୁଷ 

ତଥାପି ନାହିଁ ମନେ କ୍ଳେଶ 

କିଏ ସେ ପ୍ରେମିକା ଅଳି

ହେବ ତା ମନର ମାଳି

ଢାଳି ଦେବ ସୁଧା ସାର 

ବରିବ ଜୀବନେ ତାର 

ରାତିକ ସେ ତ ପ୍ରଣୟିନୀ 

ସୁଗନ୍ଧ ପୁଷ୍ପ ମୁଗ୍ଧ ମୋହିନୀ 

ଶ୍ୱେତ ରେଶମୀ ପୁଷ୍ପ ଦଳ 

ବାନ୍ଧିଛି ପ୍ରେମିକ ମନ ଦଳ 

 

ସୋହାଗେ କଟେ ରଜନୀ 

ସୂର୍ଯ୍ୟ ଆଗମନେ ଜାଣି 

ବିଦାୟ ମାଗେ ସେ ଗୁଣି 

ନୂଆ ଜୀବନେ ଫେରିବ ପୁଣି 

ସିକ୍ତ ନୟନେ ବିଦାୟ ପ୍ରିୟେ 

ଅପେକ୍ଷା ପୁଣି ତୁମ ପ୍ରିୟେ 

ବିରହେ କାଟିବ ରଜନୀ 

ତୁମ କଥା ଗୁଣି ଗୁଣି