ଶବ୍ଦରୁ ସୃଜନ -27 : ଶେଷ ନିଷ୍ପତ୍ତି : କବିତା : ବୟସ ମୋହର ଅଶି ପାରିହେଲେ :

ମୋ ହାତରେ କିଏ ଧରାଇଲା ମସୀ ହୃଦୟରେ ରଙ୍ଗ ଭରି,

ସେ ରଙ୍ଗରେ ମୁହିଁ ଦୁନିଆ ଦେଖୁଛି ଆକାଶ ପରଦା ଚିରି |

କବିତାରୁ ମୋର ଝରେ ପ୍ରୀତିଧାର ଯୁବକର ଉଦ୍ଦାମତା,

ଆନନ୍ଦ ସଂଧାନେ ଜୀବନକୁ ନେଇ ମାପେ ତା'ର ଗଭୀରତା |

କବିତା ମୋ ସୁଖ କବିତା ଜୀବନ କବିତାରେ ମୋର ଯାତ୍ରା,

କବିତା ମୋ ଧନ କବିତାରେ ଜ୍ଞାନ-ଶଦ୍ଦରେ ଦିଏ ମାତ୍ରା |

କେତେ ଆସୁଥିବେ ପୁଣି ଯାଉଥିବେ ନିଜକୁ ମଣିବେ ବୃଦ୍ଧ,

ବୟସ ତ ମୋତେ ଛୁଇଁ ପାରେନାହିଁ ଜଳିଲେ ହେଉଛି ଶୁଦ୍ଧ |

ଧବଳ କେଶକୁ ମପାଯାଏ ନାହିଁ ବୟସର ମାପକାଠି,

ଚର୍ମ ଲୋଳିତ ରୁକ୍ଷ ବସନ୍ତ ଦମ୍ଭ କରିଛି ଛାତି |

ଅନ୍ୟର ବୟସ ବଢିବଢି ଗଲେ ବୃଦ୍ଧ ହେଲି ବୋଲି କହୁଛି,

(କିନ୍ତୁ), ମୋହର ବୟସ ଅଶି ପାରିହେଲେ ଜାଣିବେ ତିରିଶ ହେଇଛି |

ଲେଖୁଛି ମୁଁ ଗପ ଲେଖୁଛି କବିତା ଲେଖୁଛି ମୁଁ ପ୍ରେମଗୀତ,

ସମାଜର ହିତ ପାଇଁ ବ୍ୟଙ୍ଗଗୀତି ଲେଖୁଥିବି ନିୟମିତ |

* ଏହା ମୋର ଶେଷ ନିଷ୍ପତ୍ତି |