ଶବ୍ଦ ମଜା

ଘୁରୁଛି ଦେଖରେ ସଂସାର ଚକ,            

ବୁଣୁଛି ଜଗତେ ସୁଖ ଓ ଦୁଃଖ |      

       

ଫଳ ମଧ୍ୟେ ଶ୍ରେଷ୍ଠ ଅଟଇ ଆତ,             

ଦେହ ପାଇଁ ହିତ ଯେ ଡାଲି ଭାତ |          

ପାଟିକୁ ସୁଆଦ ଲାଗଇ ଓଉ,               

ସକାଳୁ ରାବିଣ ଉଠାଏ କାଉ |             

ଫୁଲରେ ସରଳ ଶକ୍ତ ଟଗର,               

ଜଳମଧ୍ୟେ ଶକ୍ତିଶାଳୀ ମଗର  |            

ଶିକ୍ଷକ ପସନ୍ଦ କାଠ ଚଉକି,                

ପରିବା କାଟିବା ସଜ ପନିକି  |           

ସୁନ୍ଦର ସୁସ୍ୱାଦୁ ଫଳ ସପୁରି,               

ଖଟା ଜୁସ ପାଇଁ ଅତି ଦରକାରୀ  |           

ଧନୁକୁ ସୁନ୍ଦର ଅଟଇ ଶର,                

ପକ୍ଷୀକୁ ସୁନ୍ଦର ଅଟଇ ପର  |             

ଭାତ ହାଣ୍ଡି ସାଙ୍ଗ ଲୋଡ଼ଇ ଚଟୁ,             

ଟୁନାଟୁନି ସାଙ୍ଗ ଖେଳନ୍ତି ନଟୁ  |            

ସବୁ ଜୀବଙ୍କର ଜୀବନ ଗଛ,               

ଦେହକୁ ବଳିଷ୍ଠ ଇଲିଶି ମାଛ  |           

ଧନୀ ସିନା କରି ଦେଇଛି ଘର,              

ଭାକୁର ଖାଉଛି, ଜଗେ କୁକୁର |            

ଚାଳତଳେ ବସା କରେ ଚଟିଆ,             

ପାଣି ଶୀତଳ ଥିଲେ ମାଟି ମାଠିଆ |         

 

ଶ୍ରୀଫଳ ଅଟଇ ସିନା ନଡ଼ିଆ,               

ଶ୍ରୀ ପଶୁ ଅଟଇ ସରଳ ଠେକୁଆ |         

ସବୁବେଳେ କାଟ ହାତର ନଖ,             

ଚକ କି ଘୁରିବ ନ ଥିଲେ ଅଖ  |          

  

ସୁରକ୍ଷା କବଚ ଅଟଇ ଘର,              

ଝରଣା ଝରଇ ନିର୍ଝର ଝର  |             

ଗୋମାତା ଅଟଇ ଆମର ଗାଈ,             

ସମସ୍ତଙ୍କ ପ୍ରିୟ ଅଟନ୍ତି ଆଈ  |              

ଘରଟି ସୁନ୍ଦର ଥିଲେ ଝରକା,              

କାନକୁ ସୁନ୍ଦର ଲାଗେ ଝୁମୁକା |          

  

କଣ୍ଟା ଅଠା ଥାଇ ମିଠା ପଣସ,              

ଶୁଭର ପ୍ରତୀକ ଅଟେ କଳସ  |      

ଶେଷପଦ ଯେବେ ପଢିବ ଭାଇ,             

ଶବ୍ଦ ମଜା ତୁମେ ପାଇବ ଯାଇ  |