Happy Propose Day

ଶୂଖିଲାରେ ଗଲା ଗୋଲାପ ଦିବସ

  ସେଟିଙ୍ଗ୍ ଗୋଟିଏ ହେଲାନି

ଲାଲ୍ ଟହ ଟହ ଗୋଲାପଟା ମୋର

   ଖରାରେ ଝାଉଁଳି ଗଲାଣି

ଆଜି ଆସି ଅଛି  ପ୍ରପୋଜ ଦିବସ

  ଗୋଟିଏ ମଉକା ନେଇ

ଗୋଲାପକୁ ଦେଇ  ମନ କଥା କହି

    ପ୍ରପୋଜ ମାରିବି ଯାଇ

ଭାବି ସେଇକଥା ଯାଉଥିଲି ବାଟେ

   ଦେଖିଲି ଗୋଟେ ସୁନ୍ଦରୀ

ସଜ ବାଜ ହୋଇ ଆସୁଛି ମୋ ଆଡ଼େ

    ଗଲି ତା ପାଖେ ଦଉଡ଼ି

ଧିର ସ୍ବରେ ଯାଇ କହିଲି ତା ପାଖେ

   ଶୁଣ ଗୋ ଛଇ ଚାମେଲି

ହୋଇଲେ ମୋ ରାଣୀ ଦେବି ଚାନ୍ଦ ଆଣି

    ଗୋଲାପ ବଢେଇ ଦେଲି

ଗୋଲାପକୁ ନେଇ ପାଦେ ଦେଲା ଦଳି

    କହିଲା ହେଇଟି ଶୁଣ

ଶୁଖିଲା ଗୋଲାପ ଦରକାର ନାହିଁ

   ଆଗ ଯାଇ ଚାନ୍ଦ ଆଣ

କହିଦେଲି ସିନା ଏଡ଼େ ବଡ଼ କଥା

    ଆଣିବି କେମିତି ଯାଇ

ଆକାଶରେ ଥାଇ ଚାନ୍ଦ ହସିଦେଲା 

    ତାତ୍ସଲ୍ୟ ଇସାରା ଦେଇ