ଲାଇବ୍ରେରୀ
ପ୍ରୋଫାଇଲ୍
ଶବ୍ଦ ହୋଲି
ଶବ୍ଦ ହୋଲି
1 min
22
ଶବ୍ଦ ଚାଷରେ ଉତ୍ପନ୍ନ କବିତା
ମର୍ମେ ମର୍ମେ ଦେଉ ଲେଖି
କବିତା ବନିତା ଲତା ଆଜିକାଲି
ଶବ୍ଦରେ ଶବ୍ଦ ଯୋଖି
ନିଜ ପରିଚୟ ଅସ୍ତିତ୍ୱ ଭବିଷ୍ୟତ
ଗଢିବାକୁ ରଙ୍ଗ ମାଖି
ଦୋଳ ପରବେ ଫଗୁ ଖେଳ ବେଳେ
ଫଗୁଣକୁ କହିଲେଣି ଡାକି
ନୀରବତାର ଯେମିତି ଶବ୍ଦ ଶୁଭୁଛି
ମନ ହୃଦୟରେ ଫିକି ଫିକି
ପ୍ରକୃତିର ରଙ୍ଗ ନିଆରା ନିଆରା ଲାଗେ
ମଳୟ ଗଲାଣି ଡାକି
କେତେବେଳେ କାଶତଣ୍ଡୀ କେତେବେଳେ
ଜୁଇ ଯାଇ ହେନା ସୂର୍ଯ୍ୟମୁଖୀ
ଯେତେବେଳେ ଯୋଉ ରଙ୍ଗର ପସରା
ତାକୁ ଥରେ ଦେଲେ ମାଖି
ସେ ରଙ୍ଗ ଜମା ଛାଡ଼ିବନି ଆଉ କେବେ
ହଳଦୀ ହେଉଥା ମାଖି
ଆଖିରେ ଆଖିରେ କେତେ ରଙ୍ଗ ରଖି
ହସୁଛି ଚକାଆଖି
ବସନ୍ତ ସାଥିରେ ଫଗୁଣ ହାତରେ ମଳୟ
ରଖିଛି ଚିଠି ଗୋଟେ ଲେଖି
ସେ ଚିଠିର ଶବ୍ଦ ଓଡିଶା ଭାଷା ସାହିତ୍ୟ
ଶବ୍ଦ ପଢିବାକୁ ବାକି
ଓଡ଼ିଆ ଆରାଧ୍ୟ୍ୟ ଅସାଧ୍ୟ୍ୟ ସାଧନ କରିବେ
ନିଜେ ପଢି ଭକ୍ତି ଚିଠି ହୃଦେ ରଖି
ରଙ୍ଗ ଖେଳି ଖେଳି ଆନନ୍ଦିତ ସର୍ବେ ଏବେ
ଶବ୍ଦର ରଙ୍ଗ ଓଡ଼ିଆ ସାହିତ୍ୟେ ଦେଖି ।
