ଲାଇବ୍ରେରୀ
ପ୍ରୋଫାଇଲ୍
ଶାଶ୍ୱତ ପ୍ରେମ
ଶାଶ୍ୱତ ପ୍ରେମ
1 min
172
ପ୍ରେମଚୁଡାମଣି ପ୍ରେମେ ବନ୍ଧା ସହି
ହୃଦୟରେ ଭାବ ବହି
ଆତୁରରେ ଡାକି ସରଣ ପଶିଲେ
ଆନନ୍ଦରେ ଯିବୁ ରହି
ସଂସାର ଜଞ୍ଜାଳ ମୋହ ମାୟା ଜାଲେ
ପଡି ଗଲେ ତୁହି ଥରେ
ନର୍କ ଭୋଗ ଛଡା ସଦ୍ଗତି ନୋହିବ
ଭାବି ଦେଖ ତୁମେ ଧୀରେ
ସେହି ପରଂ ବ୍ରହ୍ମ ସତ୍ୟ ସନାତନ
ସବୁରି ଆରାଧ୍ୟ ଦେବ
ଦୁଇହାତ ଖୋଲି ପ୍ରେମରେ ବାନ୍ଧିଲେ
ମୁକ୍ତିଦ୍ୱାର ଖୋଲି ଦେବ
କେହି ରହିନାହିଁ ରହିବେ ନାହିଁଟି
ଭଵ ରଙ୍ଗ ଭୂମି ତଳେ
ସର୍ବେ ନିଜ ନିଜ ଅଭିନୟ ସାରି
ବାହୁଡ଼ିବେ କାଳବଳେ
ବେଳ ଥାଇଁ ତୁହି ଶକ୍ତ କରି ଭାବେ
ବାନ୍ଧି ରଖ ଭାବଗ୍ରାହୀ
ଘଟ ବାହୁଡ଼ିଲେ କେହି ଯିବେ ନାହିଁ
କର୍ମ ଯିବ ସାଥି ହୋଇ
ଜ୍ଞାନ ଚକ୍ଷୁ ଖୋଲି କର୍ମକୁ ଦେଖିଣ
ସତ କର୍ମ କରୁ ଥିବୁ
ଲୟ ରଖି ପାଦେ ଭକ୍ତି ଭାବ ଭରେ
ଗୋବିନ୍ଦକୁ ଭଜୁଥିବୁ
ନ ମଜିଲେ ଭାବେ ସେହି ରସାମୂର୍ତ୍ତେ
ସତ୍ୟକୁ ପାଇବୁ କାଇଁ
ଭକ୍ତି ରସ ଥରେ ପାନ କରିଦେଖ
କି ସୁଖ ମିଳଇ ଭାଇ ।
