ଶାନ୍ତି
ଶାନ୍ତି
ପୃଥ୍ଵୀ ଜାଣିଛି ତ
ଧଳା ରଙ୍ଗ ଆଣେ
ମନରେ କେତେ ଯେ ଶାନ୍ତି ।
ବିଛୁରିତ କରେ
ସ୍ୱଚ୍ଛ ସ୍ନେହ ପ୍ରୀତି
ଦୁରେଇ ଦିଏ ଅଶାନ୍ତି ।
ନ୍ୟାୟର ଆଜିତ
ଯେତେ କଳୁଷତା
ଅନ୍ୟାୟ ନଦୀରେ ଭାସେ ।
ସାମ୍ୟ ହେଲାଣି
ତୁଚ୍ଛା ଚିତା କଟା
ଧଳା ରଙ୍ଗେ କି, ସେ ମିଶେ ।
ଧଳା ରଙ୍ଗ ଅଟେ
ମଇତ୍ରୀ ପ୍ରତୀକ
ଶାନ୍ତିରଥକୁ ଚଳାଏ ।
ବିଜୟ କରନ୍ତି
ବୈଜୟନ୍ତୀ ମାତା
ଧଳା ଚିହ୍ନ ସଂଗେ ଥାଏ ।
ନବ ଦିନାତ୍ମକ
ନବ ଦୁର୍ଗା ପୂଜା
ମହାଲୟା ଠୁଁ ଆରମ୍ଭ ।
ପ୍ରଥମ ଦିନର
ଶୈଳ ପୁତ୍ରୀ ପୂଜା
ଭାଙ୍ଗେ ଦୁଷ୍ଟଙ୍କର ଦମ୍ଭ ।
ଧଳା ରଙ୍ଗ ସଂଗେ
ମାତା ଶୈଳ ପୁତ୍ରୀ
ଶାନ୍ତି କରନ୍ତି ବରସା ।
ଦୁଃଖୀ ଜନ ମାନେ
ସୁଖୀ ହ୍ୱନ୍ତି ମନେ
ପାଆ'ନ୍ତି ମା' ଙ୍କ ଭରସା ।
ଦଶ ମହା ବିଦ୍ୟା
ସାଧକେ ପୂଜନ୍ତି
ମାତା ଆଶୀର୍ବାଦ ପାଇଁ ।
ଜଣ ଜଣ କରି
ଗୋଟି ଗୋଟି ଦିନେ
ନ 'ଦିନ ସାଧନେ ରହି ।
ଧଳା ଅଟେ ସବୁ
ରଙ୍ଗ ର ମିଶ୍ରଣ
ଶାନ୍ତି ରେ ମିଶେ ଦୁର୍ଗୁଣ ।
ସ୍ବସ୍ତି ମୈତ୍ରୀ ପ୍ରୀତି
ଅଟେ ଶୈଳପୁତ୍ରୀ
ଦୁର୍ଗାଙ୍କ ରୂପ ଦର୍ପଣ ।
ମାତା ଶୈଳପୁତ୍ରୀ
ଜଗତ ର କର୍ତ୍ରୀ
ଦୁର୍ଗା ଙ୍କ ପ୍ରଥମ ରୂପ ।
ଧଳା ରଙ୍ଗ ସଙ୍ଗ
ମାତା ଙ୍କର ଅଙ୍ଗ
ଶାନ୍ତିର ବିଶାଳ ସ୍ତୁପ ।