Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଅଜୟ କୁମାର ବେହେରା

Inspirational

4.5  

ଅଜୟ କୁମାର ବେହେରା

Inspirational

ଶାନ୍ତି ଦୂତ ସତ୍ୟାର୍ଥୀ

ଶାନ୍ତି ଦୂତ ସତ୍ୟାର୍ଥୀ

1 min
49



ତୁମେ ଶାନ୍ତି ଦୂତ  ବିରଳ ବ୍ୟକ୍ତିତ୍ୱ

    ନୂଆ ଚେତନାର ଉତ୍ସ ।

ହୃଦୟେ ତୁମର  ପ୍ରେମର ଝରଣା

    ମନ ନିର୍ମଳ ଓ ସ୍ଵଛ ।୧।


ଗାନ୍ଧିବାଦୀ ନୀତି  ଆଦର୍ଶ ନୟନେ

    ପଥ ପ୍ରଦଶର୍କ ସାଜି ।

ସମାଜ ସଂସ୍କାର  କୁସଂସ୍କାର ଦୂର

    କର୍ମେ ଗଲ ତୁମେ ମଜ୍ଜି ।୨।


ଜାତିଭେଦ ପ୍ରଥା  ଘୃଣା ଅସ୍ପୃଶ୍ୟତା

    ଦରିଦ୍ର ଦଳିତ ଦୁଃଖ ।

ଦୂର କରିବାକୁ  ତ୍ୟାଗ କଲ ତୁମେ

    ପଦ ପଦବୀର ସୁଖ ।୩।


ଶିଶୁ ଶ୍ରମିକତା  ଅବାଧ ଶୋଷଣ

    ଦୁଃଖ ଯନ୍ତ୍ରଣାର ଦୃଶ୍ୟ ।

ମାନସେ ଭରିଲା  ଅସହ୍ୟ ଯାତନା

    ହୃଦୟକୁ କଲା ସ୍ପର୍ଶ ।୪।


ଶିଶୁଙ୍କ ଓଠରେ  ହସ ଦେଖିବାକୁ

    ସ୍ନେହ ପ୍ରେମ ବୀଜ ବୁଣି ।

ନିସ୍ୱାର୍ଥେ ବଢ଼ାଇ  ସହାୟତା ହାତ 

    ଶିଶୁ ହୃଦ ନେଲ କିଣି ।୫।


ଶିଶୁ ଅଧିକାର  ଶିକ୍ଷାର ପ୍ରସାରେ

    ଶାନ୍ତି ମଶାଲକୁ ଧରି ।

ଦେଶରୁ ବିଦେଶ  ଯାତ୍ରା ଆରମ୍ଭିଲ

   ସେବାକୁ ପାଥେୟ କରି ।୬।


ସାରା ବିଶ୍ୱ ପାଇଁ  ଶାନ୍ତି ଅଭିଯାନ

    ସମାଜ ସେବାର ବାର୍ତ୍ତା ।

ବିଶ୍ୱବାସୀଙ୍କର   ହୃଦୟ ଜିଣିଲ

    ନିଃସହାୟ ମୁକ୍ତି ଦାତା ।୭।


ତୁମେ ସତ୍ୟବାଦୀ  ଅମ୍ଳାନ ପ୍ରତିଭା

    ବିଜୟ ପଥର ଯାତ୍ରୀ ।

ତୁମ ଶାନ୍ତି ପ୍ରୀତି  ଅକ୍ଷୟ ଜଗତେ

    ଚିରଞ୍ଜିବୀ ତୁମ କୀର୍ତ୍ତି ।୮।


ଭାରତ ମାତାର  ସୁଯୋଗ୍ୟ ସନ୍ତାନ

    ସାର୍ଥକ ସତ୍ୟାର୍ଥୀ ନାମ ।

ଦେଶବାସୀ ପାଇଁ  ଗୌରବ ଆଣିଲ

    ଆଧାରେ ମାନବ ଧର୍ମ ।୯।


ଶାନ୍ତି ସଂଗ୍ରାମରେ  ବିଜୟୀ ସୈନିକ

    ନୋବେଲ ମୁକୁଟ ଧାରୀ ।

ଚିରକାଳ ପାଇଁ  ଯଶ ଅରଜିଲ

    ଧନ୍ୟ ଶାନ୍ତି ପଥଚାରୀ ।୧୦।



Rate this content
Log in

Similar oriya poem from Inspirational