ଶାଗୁଣା ର ଆଖି ପଚା ମଢ଼ ରେ

ଖାଦ୍ୟ ଓ ଖାଦକ ନିୟମ ସମ୍ପର୍କ

 ଗଢ଼ିଛି ପ୍ରକୃତି ଦେଖ

କେଡେ ଚମତ୍କାର ଭାବେ ପ୍ରକୃତି ର

କୌଶଳ କଳା ଅନେକ ।

ଅନେକ ପ୍ରକାର ବ୍ୟବସ୍ଥା ସ୍ଥିତି ର

କରି ସୂକ୍ଷ୍ମ ଅନୁଧ୍ୟାନ

ପ୍ରକୃତି ଭଣ୍ଡାର ସଂରକ୍ଷଣ ପାଇଁ

ଖାଦ୍ୟ ଶୃଙ୍ଖଳ ନିର୍ମାଣ ।

ତୃଣ ଭୋଜି ମାଂସ ଖାଆନ୍ତି ମାଂସ।ସୀ

ମାଂସାସୀ ଙ୍କ ପଚା ମାଂସ

 ଖାଆନ୍ତି ଶାଗୁଣା ପକ୍ଷୀ ମାନେ ସିନା

ସ୍ୱଚ୍ଛ କରି ପରିବେଶ ।

ନାସିକା ନୟନ ଏପରି ନିର୍ମାଣ

କରିଛି ତାଙ୍କ ପ୍ରକୃତି

ଯୋଜନ ଯୋଜନ ଦୂରୁ ନିରୀକ୍ଷଣ

ପଚା ମାଂସ ମଢ଼ ନିତି ।

କରି ଆପଣା ର ଉଦର ପୂରଣ

କରି ଥାନ୍ତି ସେହି ମାନେ

ଉପକାରୀ ପକ୍ଷୀ କାହାର ଯେ କ୍ଷତି

କରନ୍ତି ନି କେବେ ହେଲେ ।

ମେହନତ କରି ମେହନ୍ତର ପରି

ପରି ବେଶ ପରିଷ୍କାର 

ପାଇଁ କି ପ୍ରକୃତି ତାଙ୍କ ନିତି ନିତି

ପଚା ମଢ଼ ଖୋଜିବାର ।

ଶକ୍ତ ଥଣ୍ଟେ ଚିରି ଖାନ୍ତି ପେଟ ଭରି

ସଭିଙ୍କ ହିତ ସାଧନ

ପାଇଁ କି ଶାଗୁଣା ଉଡ଼ି ବୁଲେ ନାନା

ଦୁର୍ଗନ୍ଧ ରେ ପୂର୍ଣ୍ଣ ସ୍ଥାନ ।

କରେ ପରିଷ୍କାର ପରିଚ୍ଛନ୍ନତା ର

ରୋଗ , ଜୀବାଣୁ ନିଶେଷ

ଆଜି କିନ୍ତୁ ସବୁ ଶାଗୁଣା ଙ୍କ ସଂଖ୍ୟା

ହେଲାଣି ସମ୍ପୂର୍ଣ  ଶେଷ ।

ବଢ଼େ ପଚା ସଢା ହୁଅଇ ଫୋପଡା

ମଣିଷ ର ଅବିଚାର

 ବିରୋଧରେ କେହି ଅଭିଯୋଗ କିବା

ପ୍ରତି ବାଦ ଚେଷ୍ଟା କାର ।

ନାହିଁ ଆଜି ଆଉ ମଣିଷ ର ଦାଉ

ନୃଶଂସ ଶାଗୁଣା ପରି

ସ୍ୱାର୍ଥ ଅନ୍ୱେଷଣ କରେ ପ୍ରତି କ୍ଷଣ

ପଚା ମଢ଼ ଯେଉଁ ପରି ।

ଦିଶେ ମନୋହର କରଇ ଆହାର

ଶାଗୁଣା ପକ୍ଷୀ ଙ୍କ ପକ୍ଷେ

ସେହି ପରି ନାନା ବିଷୟ ବାସନା

ମଣିଷ ମନ ଆକର୍ଷେ ।

ଲୋଭ।ତୁର ଦୃଷ୍ଟି କହି ଶ୍ୱାନ ଦୃଷ୍ଟି

ଦେଖି ଲାଗେ ଯାହା ଘୃଣା

ମଣିଷ ର ଲୋଭ ଶ୍ଵେନ ପକ୍ଷୀ ପ୍ରାୟ

ଲୋଭୀ ମଣିଷ ଶାଗୁଣା ।