ଶାଗ ଦେହ ପାଇଁ ହିତ

କୁଆଡ଼େ ଗଲରେ ରୂପସା ରୁପେଶ

ସନିଆ ସପନା ହରି

ଶିକ୍ଷକ କହନ୍ତି ଦେହ ପାଇଁ ଶାଗ

ଅଟେ ଅତି ଦରକାରୀ l

ବରଷା ଧରାକୁ ଆସିଲାଣି ଏବେ

ନାହିଁ ନିଦାଘର ରାଗ

ବାଡ଼ି ବଗିଚାରେ ଆସରେ ବୁଣିବା

ନାନା ପରକାର ଶାଗ l

ଶାଗରେ ରହିଛି ଖାଦ୍ୟସାର ଗୁଣ

ବହିରେ ଏକଥା ଲେଖା

ମନ ହରଷରେ ଖାଇବ ଯେ ଶାଗ

ଆଖିକୁ ଯିବ ତା' ଦେଖା l

ଫୁଲବଢ଼ି ଦେଇ ଶାଗକୁ ଭାଜିଲେ

ସୁଆଦ ଲାଗିବ ଭାରି

ଦର୍କାର ହେବନି ଅଣ୍ଡା ଆମଲେଟ

ମାଛ ମାଂସ ତରକାରୀ l

ପାଳଙ୍ଗ କୋଶଳା ଲେଉଟିଆ ଶାଗ

ଦେହ ପାଇଁ ପୁରା ହିତ

ମିଛ ନୁହେଁ ପିଲେ ଡାକ୍ତର କହନ୍ତି

କଥାଟା ନିରାଟ ସତ l

ଶାଗ ଠାରୁ ଭଲ ଆଉ କିଛି ନାହିଁ

ସିଏ ଉପକାରୀ ଅଟେ

ନିଇତି ଖାଦ୍ୟରେ ଖାଉଥିଲେ ଶାଗ

ରୋଗ ପଳାଏ ତା' ବାଟେ l

ତେଣୁ ପିଲାମାନେ ଖାଉଥିବ ଶାଗ

ତା' ସାଥିରେ ବସି ମିତ

ଖତ ସାର ଦେଇ କରିବ ବେଉସା

ନ ରଖି ମନରେ ଭୀତ ।