ଲାଇବ୍ରେରୀ
ପ୍ରୋଫାଇଲ୍
ସେହି ଚିହ୍ନା ଗାଁ
ସେହି ଚିହ୍ନା ଗାଁ
1 min
287
ସେହି ଚିହ୍ନା ଗାଁ ଗଳି
ଅଚିହ୍ନା ଆଜି
ଏବେ ଗାଁ କୁ ଯାଏ ମୁଁ
ଅତିଥି ସାଜି
ସେଇ ପୁରୁଣା ମୁହଁ ହେଇ ଯାଏ ନୂଆ
ସବୁ ଆସି ପଚାରନ୍ତି
ତମ ଘରକୁ କିଏ ଆସିଛିକି ନୂଆ କୁଣିଆ
ନୂଆ ସଦସ୍ୟ ସଭେଁ ପାଖେ ଘେରି ବସନ୍ତି
ମୁହଁକୁ କଲବଲ କରି ଚାହିଁରୁହନ୍ତି
ବୁଢା ବୁଢ଼ୀ ଲୋକ ଡାକପକାନ୍ତି
ଦେଖିଦେଲା ପରେ ବହୁ ପ୍ରଶ୍ନ କରନ୍ତି
ଆଲୋ ମା.. ମୋର କୋଉଠି ଥିଲୁ
ଏତେ ଦିନ ହେବ କାଇଁ ଆସିନଥିଲୁ
ଏତେ ପୁନେଇ ପରବ ଗଲା
ଗାଁକୁ ଆସିବାକୁ ତୋର ମନ ନ ହେଲା
ସବୁ କହିସାରି ଶେଷେ କହନ୍ତି
ବିଦେଶେ ରହିଲୁ ଶିକ୍ଷିତ ହବୁ
ଗାଁ କଥା କେବେ ଭୁଲି ନ ଯିବୁ
ଅନ୍ତରର କୋହ ମୋର ବଢି ଚାଲିଲା
ଆଖିରେ ଆଖିଏ ଲୁହ ଭରିଲା
ପୁରୁଣା ସ୍ମୃତି ସବୁ ପଡିଲା ମନେ
ପୁରୁଣା ଡାକ ସବୁ ଶୁଭିଲା କାନେ
ବାଧ୍ୟ ଆଜି ମୁଁ ଗାଁ ଛାଡିବା ପାଇଁ
କିନ୍ତୁ ଯେତେ ବଡ ହେଲେ
ମୋ ଗାଁ କଥା କେବେ ଭୁଲିବି ନାହିଁ
