ସେବା

ମଣିଷ ଜନମ ଶ୍ରେଷ୍ଠ ଜୀବନ

 ତା'ର କରିଲେ ସଦୁପଯୋଗ ,

ମୃତ୍ୟୁ ପରେ ଜୀବ ସବୁରି ହୃଦୟେ

 ଛାଡି ଯାଏ ଅନୁରାଗ ।୧

ମାନବ ସେବା ହିଁ ମାଧବଙ୍କ ସେବା

 ମନରେ ରଖିଲେ ସଦା ,

ଅଲୋଡା ଜୀବନେ ନୂଆ ଆଶାର ସଞ୍ଚାର 

ଖୁସି ତାଙ୍କୁ ଭରିଦେବା ।୨

ଗୃହରୁ ଆରମ୍ଭ ପ୍ରଥମ ସେବାଟି

 ପିତା ମାତାଙ୍କୁ ସମ୍ମାନ ,

ତାଙ୍କ ପଦ ସେବି ଦିନ ଆରମ୍ଭିଲେ

 ସୁଖରେ କଟିବ ଦିନ ।୩ 

ଅସହାୟ ଅବା ଦୀନଦୁଃଖୀ ଦେଖି

  କରନାହିଁ ଅଣଦେଖା ,

ଆହାର ମୁଠି

Advertisement

ଏ ତାଙ୍କ ତୁଣ୍ଡେ ଦେଲେ

 ବିପଦରେ ହେବ ସଖା ।୪

ମହତ ଅଟଇ ସେବା କାର୍ଯ୍ୟ ନିତି

  କରଇ ହରଷ ମନେ ,

ପୂର୍ଣ୍ଣାଙ୍ଗ ହୁଅଇ ଜୀବନ ତାଙ୍କର

 ସମ୍ମାନ ଦିଅନ୍ତି ଜନେ ।୫

ବୃକ୍ଷ ରୋପଣ ଠୁ ପଶୁପକ୍ଷୀ ପ୍ରାଣୀ

  ସମ୍ପଦର ସଂରକ୍ଷଣ ,

ଅଜଣା ବୁଭୂକ୍ଷୂ ପାଇଁ ଟିକେ ସ୍ନେହ

ମନରେ ଭରେ ପ୍ରସନ୍ନ ।୬

ସେବା ମନୋଭାବ ରହିଲେ ହୃଦୟେ

 ସାର୍ଥକ ହେବ ଜୀବନ ,

ବିଭୁକୃପା ପ୍ରାପ୍ତି ହୁଏ ପରିବାରେ

  ଆତ୍ମା ହୁଏ ପରିପୂର୍ଣ୍ଣ ।୭।