ଜୟ ମା' ଖୁଦୁରୁକୁଣୀ
ଜୟ ମା' ଖୁଦୁରୁକୁଣୀ
ଜୟ ଜୟ ମାଆ ମଙ୍ଗଳା ଜଗତଜନନୀ
ଖୁଦଭୋଗ ପୂଜିତା ତୁ ମା' ଖୁଦୁରୁକୁଣୀ l
ଜୟ ଶାକାମ୍ବରୀ ମାତେ ଦୁରିତ ନାଶିନୀ
ଦୁଃଖହାରୀ ଜଗଦମ୍ବେ ପର୍ବତ ନନ୍ଦିନୀ l
ସଂସାରେ ବରଷି ମାତ କରୁଣାର ବାରି
ସୁଖେ ବାହିନେଉଅଛୁ ଏ ସଂସାରତରୀ l
ସଙ୍କଟ ତାରିଣୀ ମାଆ ଅତି ଦୟାଶୀଳା
କଣ୍ଠରେ ଲମ୍ବାଇ ଅଛୁ ମନ୍ଦାରର ମାଳା l
ରତ୍ନ ଅଳଙ୍କାରେ ଭୁଷା ସିନ୍ଥିରେ ସିନ୍ଦୁର
ହଳଦୀଆ ମୁଖ ତୋର ଅତୀବ ସୁନ୍ଦର l
ପାଞ୍ଚପାଳି ପୂଜା ତୋର ଭାଦ୍ରପଦ ମାସେ
ପୁଜିଥାନ୍ତି ଭଗ୍ନୀ ଭ୍ରାତାଙ୍କ ଶୁଭ ମନାସେ l
ପୂଜାକରି ତଅପୋଇ ମାତ ଅବହେଳେ
ଅତି କଷଣୁ ତରିଲା ତୋର କୃପାବଳେ l
ସେହି ସ୍ମୃତିରେ ପୂଜନ ଭାଦ୍ରବେ ମଙ୍ଗଳେ
ଖୁଦୁରୁକୁଣୀ ଓଷା ସେ ବିଖ୍ୟାତ ଉତ୍କଳେ l
ନାନା ପୁଷ୍ପେ ବେଶ କରି ମିଳି ସର୍ବ ବାଳି
ଶାର୍ଦ୍ଦୁଳ ବାହିନୀ ପୂଜା ଦେଇ ହୁଳ ହୁଳି l
ଖୁଦରଙ୍କୁଣୀ ମାଆଲୋ ମା' ଖୁଦୁରୁକୁଣୀ
ଶରଣ ରଖ ଚରଣେ ନମଃ ନାରାୟଣୀ l