ସେ ଦିନର ଗପ

ଜେଜେ ମନେ ପଡେ ତୁମ କଥା ଆଜି

ମନେ ପଡେ ଗପ ତୁମ

ରାମାୟଣ କଥା ଲାଗେ ଭାରି ମିଠା

ମର୍ଯ୍ୟାଦା ପୁରୁଷ ରାମ

ନୀତିଶିକ୍ଷା ପ୍ରେମ ଧାର୍ମିକ ବଚନ

କୁହ ଯେ ଗପ ଛଳରେ

ରାଜାରାଣୀ କଥା କୀର୍ତ୍ତି ତାଙ୍କ କର୍ତ୍ତା

କହି ଚାଲ ମୋ ପାଖରେ

ରାତିରେ କୁଆଡେ ନଯିବି ଯେପରି

କହୁଥିଲ ଗପ ଭୂତ

ବୁଢ଼ୀ ଅସୁରୁଣୀ ବୁଲୁଛି ଡାହାଣୀ

ଶୋଷି ନେବ ସେ ରକତ

ଖରାବେଳେ ଜମା ନ ବୁଲିବା ପାଇଁ

କୁହ ବୁଲେ ଛୁଆ ଧରା

ଟେକି ନେଇ ସେତ କଲିଜା ଆଖି ତୋ

କାଢି ନେବ ସିଏ ପରା

ସତ କହିଲେ ଜଗନ୍ନାଥ ପରା

ମିଛ ଯେ କହିଲେ ପାପ

ଗୁରୁଜନ ଙ୍କୁ ନ ମଣିବୁ କେବେ

ନଇଁ ଯିବୁ ଦେଖି ବାପ

ଆଜି ଯେବେ ମୁହିଁ ବଡ଼ ହୋଇ ଭାବେ

ତୁମରି ସେଦିନ କଥା

ଭଲ ପାଅ କେତେ ଆଜିବି ଯେ ମୋତେ

ପାଦେ ତୁମ ନୁଏଁ ମଥା