ସେ ଡଙ୍ଗାଟିଏ

ସେ ଡଙ୍ଗାଟିଏ,

ଏପାଖ ସେପାଖ ଭାସୁ ଥାଏ

ଅକାତ କାତ 

ନୀଳ ଢେଉରେ ନାଚି ନାଚି ସେ

ଭାସୁ ଥାଏ,ସେ ଡଙ୍ଗାଟିଏ !

ନିତି ଏପାରି ରୁ ସେପାରି କୁ

ଆଖି ଆଖି ସ୍ଵପ୍ନ ବାହୁ ଥାଏ

ସେ ଡଙ୍ଗାଟିଏ,

ମେଘ ଅସରା ,ପାହାନ୍ତି ତାରା

ନାଉରିଆ ଭାଇ ସୁଖ ପସରା !

ନାରୀ ଟିଏ ବି

ନଉକା ସାଜି ,

ଏ କୂଳ ସେ କୂଳ ଦିଏ ଆଶରା !

ସେ ଡଙ୍ଗାଟିଏ,

କେତେ କାହାଣୀ,

ସାଇତା ପୁଣି

ଦରିଆ ରାଣୀ ତା କୋଳେ ଜାଣି !

ସେ ପାରି ପୁଅ ଏ ପାରି ଝିଅ

ନଉକା ସାଥେ ଜୀବନ ବିତେ

କନିଆ ସାଜି ବିଦାୟ ନିଏ

ନାଆ ଉପରେ ଲୁହ କୁ ପିଏ !

ଦୂର ଦେଶ ପୁଅ ବିଦେଶୁ ଫେରେ

ମନ ରୁ ତାର ସେନେହ ଝରେ 

ସେ ଡଙ୍ଗାଟିଏ,ସେ ଡଙ୍ଗାଟିଏ !